ВИДЕО: Huawei Mate X жамланмасида қандай ёқимли сюрпризлар бор?
Хитойлик техногигант «ҳар жиҳатдан энг зўр» маҳсулоти – Mate X буклама смартфонини шу йилнинг бошида тақдим этганди. Бозорга эса уни ҳали шу ойнинг охиридагина расман чиқаришади, аммо...
ЎҚИНГ: Huawei Mate X’ни аллақачон Aliexpress’дан сотиб олиш мумкин, фақат нархи қўрққулик!
Huawei бу орада ўзининг мазкур инновацион гаджетининг дизайнига айрим ўзгаришлар киритди, ҳатто чипсетини ҳам янгилади. Mate X расмий тақдимот пайтида Kirin 980 процессори базасига қурилган бўлса, ҳозир уни бешинчи авлод уяли алоқа тармоқларини қўллаб-қувватлайдиган Kirin 990 5G чипсетига алмаштиришган.
Сотувга чиқиши арафасида, Mate X қадоғини очиб кўрсатилган видеолавҳа пайдо бўлди. Флагманнинг жамланмасида энг эътиборга сазовор аксессуар – чармдан ишланган ғилоф-конверт бўлса керак. Кўриниб турибдики, буклама смартфон учун энг мос келувчи кейс формати айни шунақасидир.
Шунингдек, қадоқ ичида оқ рангли бошқа аксессуарлар: USB-С кабели, 55 ваттлик тезкор қувватлаш блоги ҳамда қулоқчин ҳам мавжуд. Қутининг ўзи Huawei’га мос классик услубда ишланган.
Таъкидлаш керакки, Huawei Mate X учун нақ 2300 евро миқдорида нарх белгиланган, лекин унинг ҳам харидори етарлича топилади. Ахир, яқиндагина халқи қашшоқ юртда 2330 долларлик смартфоннинг илк партияси бир кундаёқ сотилиб кетган, буниси нима бўлибди!?
ЎҚИНГ: Расман савдога чиқмаган бу флагманни аллақачон сотишяпти, лекин... нақ 140 000 доллардан!
