ВИДЕО: иккита OLED-экранли Nubia X флагмани илк реклама ролигида!

Аввал ҳам хабар берганимиздек, ZTE корпорациясининг шуъба корхонаси бўлган Nubia компанияси «аломат» смартфон тайёрлаган. Моноблок корпусининг ҳар иккала томонида ҳам тўлақонли дисплейи бўлган ушбу қурилма Nubia X моделидир.

ЎҚИНГ: Nubia Z18S эмас, балки Nubia X: қўш экранли «аломат» смартфон компаниянинг 6 йиллиги санасида тақдим этилади

Nubia X асосий экрани ромсизлиги эвазига олд камерадан маҳрум этилган. Иккинчи экрани устидаги қўшалоқ бош камераси эса 24 ва 16 мегапикселли сенсорлардан иборат.

Ҳозиргача тарқалган маълумотларга кўра, ушбу «аломат» смартфоннинг ҳар иккала дисплейи ҳам OLED технологияси бўйича ишланган. Бош экран диагоналига 6,26 дюймлик бўлиб, тасвир аниқлиги 2280х1080 пиксел. Ўлчами диагоналига 5,1 дюймлик иккинчи экран бўлса 1520х720 пикселлидир.

ЎҚИНГ: ZTE Nubia флагмани: олд камераси ва экран «кемтиги» йўқ, аммо экрани ва бармоқ изи сканери иккитадан!

Мазкур девайснинг «жонли» сурат ва видеолари, техник хусусиятлари ҳақидаги турли маълумотларни аввал эълон қилганмиз. Энди эса Nubia X флагманининг биринчи реклама видеоролиги ҳам интернетга чиқди. Марҳамат, уни бирга томоша қиламиз:

Nubia X аппарат таъминоти асосини якка кристалли Qualcomm Snapdragon 845 тизими ҳамда 8 гигабайтлик тезкор хотира ташкил қилади. Аккумуляторининг ток сиғими 3800 мА/соат бўлган ушбу смартфон Android 8.1 Oreo бошқаруви остида ишлайди. Унинг тақдимоти 31 октябрга белгиланган, бу борадаги янгиликларни бирга кузатамиз.

ЎҚИНГ: РАСМАН: Nubia ҳам иккинчи геймерофони – Red Magic 2’ни жангга тайёрлаяпти! (+«жонли» сурат)