ВИДЕО: «қурилмаларни қийновчи» JerryRigEverything йилнинг энг мустаҳкам смартфонини эълон қилди
Фойдаланувчилар учун смартфонларнинг функционаллиги билан бирга корпусининг мустаҳкамлиги ҳам муҳим. Шу боисдан, қурилмаларнинг дроп-тестлари, уларни тирнаб, буклаб, синдириб ва ёндириб кўриш орқали синаб кўрилган видеолар жудаям оммабоп.
ЎҚИНГ: Дроп-тест: Машҳур видеоблогер iPhone XS’ни синдиришга уриниб кўрди. Хўш, натижаси-чи?
Смартфонлар дроп-тестлари, уларнинг ичини очиб кўришлар йўналиши бўйича энг машҳур видеоблогерлардан бири Зак Нельсон (Zach Nelson) ҳисобланади. У ўзининг JerryRigEverything каналида кўплаб телефонларнинг мустаҳкамлик тестларни эълон қилган.
Хулласи калом, ушбу видеоблогернинг қўлига яқинда тақдим этилган Razer Phone 2 геймерлар смартфони келиб тушди. Унинг Gorilla Glass 5 ҳимоя шишаси қопланган экранини Зак Нельсон тирнаб кўриб, қаттиқлигини Моос шкаласи бўйича 6 баллна баҳолади.
Экранни ёндиргич алангаси орқали ўн сонияча куйдирилганида, дисплейда катта қора доғ юзага келди. Лекин у тезда ғойиб бўлди, яъни Razer Phone 2 геймерофони очиқ оловга ҳам чидамли экан!
ЎҚИНГ: Илк ўйинбоп смартфон кутилмаганда нақ 300 долларга арзонлашди!
Шунингдек, мазкур смартфон қўл билан букиш синовига ҳам мардона туриб берди – корпуси умуман эгилмади ва бутунлигича қолди. Мана, Razer Phone 2 моделининг дроп-тест жараёнини қуйидаги видеолавҳада кўришингиз мумкин:
Хулласи калом, JerryRigEverything канали муаллифининг хулосасига кўра, Razer Phone 2 модели 2018 йилда бу столга тушган энг мустаҳкам смартфонлардан бири экан.
Айтиш керакки, ўйинларга мослаб чиқарилган Razer Phone 2 ҳозирча Ўзбекистон бозорига етиб келмаган. Лекин 2018 йилнинг апрелидан то октябрига қадар бенчмаркларда биринчи ўринни қўлдан бермай келаётган Xiaomi Black Shark геймерофони ҳамда «Тезкорлик устаси» – Pocophone F1 ҳамёнбоп флагмани учун Terashop.uz интернет-дўконимизда онлайн усулда буюртма беришингиз мумкин.