ВИДЕО: Саккиз ярим дақиқада сотиб тугатилган Redmi Note 7 ичини очиб, қисмларга ажратиб кўрамиз!
Xiaomi компанияси бугун – 2019 йилнинг 15 январида мустақил бренд тарзида ажратилган арзон смартфонларининг биринчи модели – Redmi Note 7 савдосини бошлади. Ушбу девайс арзонлиги ва мустаҳкамлигидан ташқари, 18 ойлик кафолат муддатига эга илк смартфон эканлиги билан ҳам аҳамиятли.
ЎҚИНГ: АНТИҚА ТЕСТ ВИДЕОСИ: Redmi Note 7 экранини оштахта қилиб ишлатишди!
Redmi Note 7 ўта харидоргир бўлишини пайқаган Xiaomi ундан бир миллионтасини сотувга тайёрлаган. Унинг илк партияси эса 8 дақиқаю 36 сония ичида сотиб тугатилган! Компания бу партияда нечта смартфон бўлганини аниқ айтмаган, аммо манбалар «юз минглаб» Redmi Note 7 сотилганини ёзмоқда.
Ушбу «ёнғоқчақар» смартфоннинг кейинги партияси 18 январда сотувга қўйилади.
Бундан ташқари, интернетга Redmi Note 7 смартфонининг ичи очиб кўрсатилган видеоси ҳам чиқарилди. Мана, бирга томоша қиламиз.
Гувоҳи бўлаётганингиздек, қурилманинг барча тугмачалари ва портлари резина қопламалар билан таъминланган экан.