ВИДЕО: Сувдан ҳимояланмаган OnePlus 7’ни компания сув тўла челакка солиб кўрсатди!

«Флагманлар кушандалари»ни тақдим этувчи хитойлик компания навбатдаги – OnePlus 7 смартфонларини тақдим этишга тайёргарлик кўрмоқда. Унинг Twitter-аккаунтида эса мазкур флагман иштирокидаги видеолавҳа эълон қилинди.

ЎҚИНГ: DisplayMate: Ниҳоят, хитойликлар ҳам iPhone ва Samsung Galaxy’лардек сифатли экранга эга смартфон тайёрлашди!

Видеода компания: «Смартфоннинг сувдан ҳимояланиши сизнинг пулларингиз эвазига амалга оширилади» деб ёзган. Шу боис OnePlus «унча қиммат бўлмаган бир нима харид қилгани» таъкидланган. Кейинги кадрларда эса сув тўла челакка телефонни ташлаб кўрсатишган ва бу OnePlus 7 модели бўлса керак:

Аммо кадр остида ушбу қурилманинг ҳеч қанақа даражадаги IP сертификатига эга эмаслиги ёзилган. Смартфон фақат муайян тест шароитларидагина сувдан қўрқмаслиги мумкинлиги ва OnePlus бунга кафолат бермаслиги таъкидланган.

Демак, OnePlus компанияси IP67 ёки IP68 стандартидаги ҳимоя ўрнига арзонроқ ечим топган. Айрим кузатувчилар тахминича, бу смартфон корпуси сув юқтирмайдиган P2i наноқопламага (Moto M ҳамда Redmi Y3 каби) эга, тугмача ва тирқишлари қўшимча изоляцияланган бўлиши мумкин.

ЎҚИНГ: Бу смартфон кўл тубида 2 ҳафта ётганидан сўнг ҳам ишлайверди!