vivo iQOO 3 хусусиятлари эълон қилинди
Хитой техногиганти vivo iQOO'нинг суббренди яратилганидан сўнг, у дунёга нархлари ва ишлаш кўрсаткичлари бўйича ажойиб смартфонларни намойиш эта бошлади. Афтидан, iQOO 3 ҳам худди шу принцип асосида ишлайди.
Аввалроқ, iQOO маҳсулотлари бўйича менежер Ге Лан хитойлик смартфонсознинг янги қурилмаси нафақат Qualcomm Snapdragon 865 флагман платформаси билан жиҳозланиши, балки UFS 3.1 драйвери ва ҳозирги вақтда энг кучли конфигурацияни берувчи LPDDR5 типидаги оператив хотира билан мақтана олишини таъкидлаганди.
Бугун, iQOO 3'нинг барча хусусиятларини жамлаган жадвал тармоқда тарқалди. Шундай қилиб, унинг нархни билиш қолади холос, у жуда арзон бўлиши мумкин.
Жадвалдаги маълумотларга кўра, дисплей 6,44 дюймли, ўлчамлари эса 2400 х 1080. Қурилманинг ўлчамлари 158,51 х 75,88 х 9,16 мм ва оғирлиги 214,5 граммни ташкил қилади.
Жадвал маълумотлари смартфон энг кучли SD865 процессорида ишлашини, шунингдек, LPDDR5 типидаги 12GB тезкор ва 256GB, ультра тезкор ички UFS 3.1 хотирасига эга эканлигини тасдиқлайди.
Камера асосий блоги таркибига 64 мегапикселли асосий модул, 13 мегапикселли ультракенг, 13 мегапикселли телефото ва чуқурликни аниқлайдиган 2 мегапикселли сенсор киради. Олд томонда эса 16 мегапикселли селфи камерани кўришингиз мумкин.
Ва ниҳоят, vivo суббрендининг флагман смартфони 4410 мА/соат аккумулятор билан жиҳозланган ва 55 ватт тезкор зарядлагични ўз ичига олади.
Сотув бошланиш санасига келсак, ушбу ойнинг бошида қурилма расмий равишда эълон қилиниши мумкин. Хитойда мавжуд вазиятни ҳисобга олган ҳолда, iQOO онлайн дўконга тақдимотсиз чиқарилиши эҳтимоли кўпроқ. Хитойлик инсайдерларнинг айтишига қараганда, смартфон нархи 2020 йилда Snapdragon 865 платформасидаги энг пастларидан бири бўлиши мумкин.
ЎҚИНГ: «Шаршара экранли» Vivo Nex 3 5G тақдимоти учун антиқа жой танланди! (+«жонли» видео ва суратлар)
