Vivo «кўзини қимирлатувчи» ва рекордчи 5G-смартфонлар тайёрлади!

Хитойдаги унумдор смартфонсозлардан бўлмиш Vivo компанияси кейинги пайтларда бир нечта моделларини тақдим этган. 1 июнда эса Vivo X50 ҳамда Vivo X50 Pro намойиш этилиши кутилмоқда.

ЎҚИНГ: iQOO Z1 5G тақдим этилди: флагман процессорли илк смартфон – атиги 309 доллардан!

Ишлаб чиқарувчининг мақтаниб эълон қилишича Vivo X50 ҳозиргача бозорга чиққан 5G-смартфонлар орасида энг юпқаси бўляпти. Мазкур девайс корпусининг қалинлиги, ҳатто камера блогини қўшиб ҳисоблаганда ҳам бор-йўғи 7,49 миллиметрни ташкил этади.

Бундан ташқари, Vivo X50 квадрокамераси ҳам тенгсиз: унда тасвирни барқарорлаштирувчи янги – «микро-булут» (micro cloud) тизими қўлланмоқда. Камерада тасвир датчигини барча томонларга 3 даражагача ўгирувчи механизм жойланган. Яъни, худди жонли кўз соққасига ўхшаб, камера турли томонларга (озгина бўлса-да) «қарай» олади! Бу эса анъанавий оптик барқарорлаштириш тизими имкониятларини уч каррага оширади.

ЎҚИНГ: ТОП-10: Энг кучли ҳамёнбоп смартфонлар (AnTuTu рейтинги, 2020 йил апрель)

Стандарт модел – Vivo X50 текис дисплейга ҳамда асосий датчиги Samsung GN1 бўлган квадрокамерага эга. Янада илғор Vivo X50 Pro эса техник жиҳатдан янада такомиллашган камера ва чеккалари қайрилган экран билан таъминланган.

Vivo X50 Pro ҳали намойиш этилмай туриб энг оммабоп смартфонлар рейтингига кириб улгурган.

ЎҚИНГ: Энг зўр процессорли энг арзон 5G-флагман мутлақ рекорд ўрнатди!