Vivo NEX камерасининг жони қаттиқ экан. Балет раққосасининг сакрашини ҳам кўтарди
Хитойнинг Vivo компанияси Vivo NEX смартфонида сурилиб чиқадиган селфи-камеранинг мустаҳкамлигини синаб кўриш учун ноодатий тест ўтказди.
Қачонлардир телефонининг мустаҳкамлигини исботлаш учун Samsung компанияси президенти тахлама телефонни очиқ ҳолатда ерга қўйиб оёғи билан устига чиққанди. Vivo ҳам шунга ўхшаш йўл тутди, аммо тест учун чиройли балерина раққосасини танлади.
ЎҚИНГ:Vivo’нинг яна бир рекордчи – 10/512 гигабайтлик смартфони тайёр!
Шу мақсадда камералар сурилиб чиқиши учун саккизта смартфон суратга олиш режимига ўтказилди. Ушбу модулларга махсус платформа ўрнатилди, кейин эса унинг устида балеринага рақсга тушиш таклиф этилди.
ЎҚИНГ:Xiaomi’нинг энг ромсиз смартфони видеода: Vivo NEX инновацияларига эга!
Оғирликнинг тақсимланиши ҳисобга олиниб, 40 кг платформадан ҳар бир камерага беш кг юк тўғри келди. Балеринанинг оғирлиги 50 кг эканлиги ва унинг 10 см баландликка сакраши ҳисобга олинса, модулларга юк оғирлиги 12,5 кг’гача ошади. Сакраш ва ҳаракат юкни янада кўпайтириб, 17,5 кг’гача етказди. Шунда ҳам смартфон чидади ва ўзининг ишлаш қобилиятини сақлаб қолди.
