Vivo ўзининг илк планшетини чиқарди

Vivo ўзининг илк планшетини чиқарди

11 апрел куни Vivo ўзининг биринчи букламафони билан бирга, яна бир янги қурилма - Vivo Pad билан планшетлар бозорига илк қадамини қўйди. Компаниянинг биринчи авлод Android планшети 11 дюймли, iPS, 120Hz янгиланиш тезлигига эга дисплейи бўлиб, у Vivo Pen деб номланувчи ручка билан ишлай олади. Олд экрани 8MP, орқасида квадрат рамка ичидаги доира ичида жойлашган иккилик камераларининг асосийси 13MP, яна бири эса 8MP бўлиб, планшет ўлчами 164.71 х 253.15 х 6.55 миллиметрни, оғирлиги 489 граммни ташкил қилади.


Капот остида эса Qualcomm'нинг Snapdragon 870 5G чипсетида 8GB оператив ва 128GB доимий хотира билан Android 12 га асосланган Origin операцион тизимида ишлайди. Унинг повербанк қилиб ишлатиш мумкин бўлган 8040 mAh сиғимли батареясини 44W тезликда USB-C порти орқали 95 дақиқа ичида тўлиқ қувватлаш мумкин.


Ҳаворанг ва қора рангларда Хитой бозорида сотувга чиқариладиган планшетнинг қўшимча хотира ва наушник учун уяси мавжуд эмас. Нархи эса икки хил хотира конфигурацияларига қараб ўзгаради: 8/128GB учун $390 ва 8/256GB учун $470 атрофида. Шунингдек, компания планшет билан ишлатиладиган клавиатурани 94 доллар ва стилус ручкани эса 55 доллар нархда сотишни ҳам ният қилган.

ЎҚИНГ:  Galaxy Z Fold учун янги рақиб тақдим қилинди

Сайт янгиликларидан доимий хабардор бўлиш учун Телеграм каналимизга қўшилинг!