Vivo "шаршара"ли экранга эга смартфонини кўрсатди
Интернет тармоқларида Vivo Nex 3 смартфони ҳақида илк маълумотлар пайдо бўлганидан сўнг, компания янги моделнинг дизайнини очиқлашга қарор қилди. Бренднинг маҳсулот ишлаб чиқариш бўйича менеджери Ли Сян флагманнинг дизайни акс этган рендер ва дисплей ойнаси суратини эълон қилди.
Суратлар айтилган тахминларни оқлади: Vivo Nex 3 ромсиз дизайнли, томонлари 90 градус бурчак остида эгилган “шаршара дисплей”га эга бўлади. Эскизларга кўра смартфон орқа панелида чегаралари қўл соати циферблатини эслатувчи айлана камера модули жойлашади.
Қурилма платформаси ҳақида ҳозирча ҳеч нарча айтилмаяпти. Маълумотларга қараганда, смартфон экран ости селфи-камера ва 3,5 мм лик аудиотиқишга эга бўлиши мумкин. Аммо, бу ҳозирча аниқ эмас.
