vivo S10'нинг асосий техник жиҳатларини TENAA кўрсатиб берди

vivo S10'нинг асосий техник жиҳатларини TENAA кўрсатиб берди

Модель рақами V2121A бўлган ва vivo S10 смартфони экани тахмин қилинаётган виво смартфони Хитойнинг TENAA агентлиги сертификатига эга бўлди ва айни дамда қурилманинг асосий техник жиҳатлари ошкор қилинди.

ЎҚИНГ: vivo V21 (5G)'нинг техник жиҳатлари ва қадоқ таркиби билан танишамиз

Хитой сертификатлаш ташкилоти маълумотларига кўра, vivo S10 модели 7,29 мм қалинликка эга бўлиб, 6,44" экран ва 3,970 мАс номиналли аккумулятор билан жиҳозланади.

Смартфон 5G тармоқларини қўллаб-қувватлайди ва Android 11 базасидаги OriginOS интерфейсида ишлайди.

vivo S10 Pro'нинг расмий сурати
vivo S10 Pro'нинг расмий сурати

TENAA листингида S10'нинг бошқа жиҳатлари кўрсатилмаган. Бироқ миш-мишларга қараганда, смартфон FullHD+ 90Hz OLED дисплей, олд томонда 44МПлик қўшкамера, орқа панелда учта модулли 64МП камера ва 44 ваттда қувватланиш имкониятига эга бўлади.

S10, шунингдек, Geekbench тестида Dimensity 1100 SoC ва 12ГБ тезкор хотира билан «қўлга тушган».

vivo S10 смартфони 15 июль куни расман тақдим этилади. Тақдимотда S10 Pro ҳам намойиш қилинади; компания бу смартфоннинг уч модулли орқа камераси 108МП, олдида эса иккита камера бўлишини тасдиқлаган.

vivo S10 ва vivo S10 Pro

Сиздирилган рендер тасвирларида S10 ва S10 Pro смартфонлари бир хил эканини кўриш мумкин. Асосий фарқ қурилмаларнинг фақатгина асосий камераси резолюциясидами ёки йўқ — буниси ҳозирча номаълум.

ЎҚИНГ: Helio G80 ва 64МП учталик камерага эга vivo Y53s 4G смартфони тақдим қилинди

Сайт янгиликларидан доимий хабардор бўлиш учун Телеграм каналимизга қўшилинг!