WhatsApp узоқ кутилган функция билан янгиланди – уни қандай фаоллаштирамиз?

  •   DiMaX
  •  1262
  •  04.03.2020 11:42

WhatsApp узоқ кутилган функция билан янгиланди – уни қандай фаоллаштирамиз?

Дунё бўйича икки миллиарддан ошиқ фойдаланувчига эга бўлган WhatsApp мессенжерининг Android ҳамда iOS клиентлари янгиланди. Унинг асосий ўзига хосликларидан бири – тўқранг режимнинг жорий этилганлиги бўлди.

ЎҚИНГ: Махфийлик ва хавфсизлигингиз учун WhatsApp’дан бешта маслаҳат

Ушбу мессенжер дастурчилари мобил илованинг интерфейсидаги тўқранг режим устида салкам бир йилдан бери ишлаб келишаётган эди. Энди эса бу функция барча фойдаланувчилар учун тақдим қилинди.

Тунги режим илованинг бутун интерфейсини тўқранг қилиб қўяди; бу эса қоронғиликда кўзнинг нурини асраш билан бирга, OLED-дисплейли смартфонларнинг қувватини тежашга ҳам ёрдам беради.

ЎҚИНГ: Android-смартфонлар ва iPhone’ларга энг кўп юкланган илова ҳамда ўйинлар иккита рейтингда

Тўқранг режим имкониятларидан фойдаланиш учун, аввало, WhatsApp мобил иловангизни янгилаб олишингиз керак. Android 10 ҳамда iOS 13 тизимли смартфонларда, агар тизим созламаларида тунги режим фаоллаштирилган бўлса, бу мессенжер ҳам автоматик тарзда тўқранг интерфейсда ишлайди.

Android 9 ва ундан олдинги версиялардаги смартфонларда эса буни WhatsApp созламалари орқали амалга ошириш керак бўлади: «Настройки» → «Чаты» → «Тема»:

Эслатиб ўтамиз, яқинда БМТ раҳбарияти WhatsApp иловасининг хавфидан огоҳлантирган, кейин эса Еврокомиссия ўз ходимларига WhatsApp, iMessage ҳамда Facebook Messenger иловаларини ишлатмаслик, иложи бўлса уларни смартфонларидан умуман ўчириб юборишни тавсия этган эди. Аввалроқ Telegram асосчиси Павел Дуров ҳам WhatsApp ҳеч қачон хавфсиз бўла олмаслигини айтган ва сабабини тушунтирган.

ЎҚИНГ: Бу илова WhatsApp’ни тахтдан ағдарди!