WhatsApp узоқ кутилган имкониятга эга бўляпти!

Дунё бўйича энг оммабоп бўлган ва ўзбекистонликлар ҳам кўп ишлатадиган WhatsApp мессенжерида тез орада янги функция жорий этилади. Интернетда уни акс эттирувчи скриншот суратлари тарқалди.

ЎҚИНГ: WhatsApp’даги ёзишмаларингизни ўқий олишади, бундан ҳимояланиш йўлини ўрганиб қўйинг!

Яъни, WhatsApp орқали ёзишмаларда юборилган ёки қабул қилинган расм бўйича энди интернетда ҳам қидирувни амалга ошириш мумкин бўлади. Ушбу функцияни ишлатиш учун «Суратни излаш» («Поиск изображения» – «Search image») бандини танласангиз, WhatsApp сизга ўша расмни Google қидирувга узатишни таклиф этади.

Мессенжер айнан бир хил ёки ўхшаш суратларни интернетда қидириш учун Google расмий API’сини қўллайди. Суратни Google’га юклагач, WhatsApp қидирув натижаларини кўрсатиш учун браузерни очади.

Мазкур имконият барча WhatsApp фойдаланувчиларига қачон тақдим этилиши ҳозирча номаълум. Лекин унинг синов жараёнлари аллақачон якунига етаётган бўлса керак.

ЎҚИНГ: WhatsApp’дан фойдаланинг. Telegram, Facebook Messenger ва Google Allo’га ишонч йўқ!