WhatsApp Windows ва Mac учун илова чиқарди
Facebook тармоғига қарашли WhatsApp мессенжери Windows ва Mac OS X учун фойдаланувчиларга компьютердан ёзишиш имконини берувчи илова ишлаб чиқди. Мессенжернинг Android, iOS, Blackberry ва Windows Phone учун версиялари тайёр, деб хабар бермоқда Kun.Uz.
WhatsApp’дан компьютер орқали мулоқот қилишнинг олдин ҳам имкони бўлган – 2015 йилнинг бошида мессенжер ҳозирги кунгача машҳур барузерларнинг аксариятига мувофиқ веб-мижоз ишлаб чиқарди. Мессенжернинг браузер версияси ишлаши учун компьютер экранида ўрнатилган WhatsApp QR-код иловаси билан смартфон орқали суратга олиш керак бўлган.
Фойдаланувчининг ва бугун чиққан мессенжернинг десктоп версияси идентификацияси худди шундай амалга оширилади. Бу ёнингизда интернетга уланган ва WhatsApp ўрнатилган смартфон бўлмаса, компьютердаги илова орқали мулоқот қилишнинг иложи бўлмайди деганидир.
WhatsApp’нинг десктоп версияси браузердагиси каби мобиль версиядаги барча чатларни шунчаки қулайроқ интерфейсда акс эттиради.
Бу мессенжерни компьютерларда қўллашда рақиб Telegram ёки Viber’га қараганда камроқ мослашувчан қилади. Уларнинг фойдаланувчилари ПК-версиялари орқали мулоқотга кириши СМС-код орқали амалга оширилади ва кейин компьютердаги илова смартфондан мустақил равишда ишлайди. WhatsApp ПК-версиясининг яна бир камчилиги – Windows 7 ва ундан аввалги Microsoft операцион версияларини қўллаб-қувватламаслиги.
Дастур фақатгина Windows 8, 8.1 ва 10 орқали амалга оширилиши мумкин.
