Windows 10 тизимидан Internet Explorer’ни олиб ташлашнинг икки усули

  •   DiMaX
  •  540
  •  23.04.2019 17:39

Windows 10 тизимидан Internet Explorer’ни олиб ташлашнинг икки усули

Internet Explorer браузери аллақачон истеъмолдан чиқиб бўлган, ҳатто Microsoft’нинг ўзи ҳам ундан фойдаланмасликни тавсия этган. Унинг ўрнига компания янги – Microsoft Edge браузерини тақдим этган ва мунтазам такомиллаўтириб келаётир.

ЎҚИНГ: Microsoft Edge браузери WebCore асосида янгиланди: энди у русчада овозли ўқишни ҳам эплайди!

 Шунга қарамасдан, Internet Explorer дастури барибир Windows 10 тизимининг стандарт жамланмасида мавжуд. Уни ўчириб ташлашнинг эса иккита усули мавжуд.

1-УСУЛ

 «Пуск» менюсини босиб, «Программы и компоненты» деб ёза бошланг. Ёки мана бу йўналиш бўйича боринг: «Параметры» → «Система» → «Приложения и возможности» → «Программы и компоненты»

Очилган ойнада, чап томондаги «Включение и отключение компонентов Windows» бандини танланг ва Internet Explorer 11 бандидан белгичани олиб ташланг.

Тизим сиздан тасдиқлашни сўрайди, «OK»ни босинг. Кейин эса компьютерни ўчириб-ёқишга рухсат сўрайди – бошқа барча очиқ дастурларингизни ёпиб қўйиб, ўчириб-ёқинг.

ЎҚИНГ: Opera Reborn 3: тезкор ва бепул VPN, блокчейн ва криптоҳамёнга эга илк браузерни ўрнатиб олинг!

Буйруқлар қатори билан ишлашни хуш кўрувчилар эса қуйидаги иккинчи усулдан фойдаланишлари мумкин.

2-УСУЛ

«Пуск» менюсини очиб, у ердан Windows PowerShell дастурини топинг. Унинг устига сичқончанинг ўнг тугмачаси билан чертинг ва очилган менючадан «Запустить от имени администратора» бандини танланг.

Консол ойнасида мана бу буйруқни теринг:

Disable-WindowsOptionalFeature -FeatureName Internet-Explorer-Optional-amd64 –Online

Бунинг учун матнни мана шу ернинг ўзидан нусхалаб олсангиз ҳам бўлади, кейин эса PowerShell ойнасида сичқончанинг ўнг тугмачасини боссангиз, буфердаги матнни автоматик равишда ўзи ташлайди.

Энди «Enter»ни босинг ва Internet Explorer олиб ташлангунича кутинг. Сўнг тизим компьютерни ўчириб-ёқиш учун рухсат сўрайди, «Y» ва «Enter»ни босасиз.

Тамом – компьютерингиз ўчиб-ёнгач, Internet Explorer ундан йўқолган бўлади.

ЎҚИНГ: Microsoft’нинг кутилмаган қарори: у Windows 8 тизимини муддатидан аввал «ўлдиряпти»!

Terabayt.uz сайтининг видеолари: Youtube'даги каналимизда!