Хакерлар ҳақидаги топ филмлар рўйхати
Ҳафтада давомида ёш хакерлар ва senat.uz ўртасида бўлиб ўтган воқеалардан сўнг, хакерликка бўлган қизиқишингиз янада ошгани аниқ. Шу сабабли биз дам олиш кунида томоша қилиш учун хакерлар ҳақидаги энг зўр филмларни тўпладик. Спойлер қилмаслик учун филм воқеалари ҳақида маълумот бермаймиз, лекин ишонинг, булар хакерлар ҳақидаги энг топ филмлар ҳисобланади.
Who am I? (Мен кимман?)
Эҳтимол, хакерлар ҳақидаги энг реалистик филм ва у 2014 йилда чиқарилган. Асл филмни немис тилида топишингиз мумкин, чунки у Германия суратга олинган.
Snowden (Сноуден)
Ноутбуки камерасини яшириб қўядиганларни кўрганмисиз? Ушбу, одат собиқ компютер разведкаси маслаҳатчиси, Эдвард Сноуден АҚШ Миллий хавфсизлик агентлигидан ўта махфий маълумотларни ошкор қилгандан кейин пайдо бўлган. 2016 йилда чиқарилган ушбу Сноуден филмидан эса нима учун бундай қилинишини билиб олишингиз мумкин.
Hacker (Хакер)
Реал ҳаётда бўлиб ўтган воқеаларга асосланган ажойиб филм. У 2016 йилда чиқарилган. Сиз уни "Anonymous" номи остида ҳам топишингиз мумкин, чунки Америкадаги кинотеатрларда шундай ном остида чиқарилган.
The Matrix (Матрица)
Агар сиз фантастика жанридаги филмлар ишқибози бўлсангиз унда Матрица филми айнан сиз учун. Гарчи филм чиқарилганида 20 йилдан ошган бўлсада, у ҳали ҳам ўз актуаллигини йўқотмаган.
Mr. Robot (Жаноб робот)
Филмлардан кўра кўп қисмли телесериал керак бўлса, "Жаноб робот" энг яхши танлов бўлади. Таъкидлаш жоизки, у 90 фоиздан ортиқ позитив рейтингга эга.
Буларни томоша қилиб, ўзингиз учун хакерлик қилиш ва кибержиноятлар оқибати ҳақида тегишли хулосалар чиқарасиз деган умиддамиз.
ЎҚИНГ: Samsung дунёдаги илк 8К ултракенг ўйин мониторини устида ишламоқда
