Хакерлар қўрқинчли Amnesia: Rebirth ўйини чиқиши билан унинг ҳимоясини бузишди! (+трейлер)
Видеоўйинларнинг ҳимоясини бузувчи хакерлар кейинги пайтларда анча илгарилаб кетишган. Жумладан, релизи 20 октябрда бўлиб ўтган Amnesia туркумидаги янги ўйиннинг муҳофазасини ўша куниёқ буза олишибди!
ЎҚИНГ: «Ўзавтосаноат» сайтига хакерлар ҳужум қилишди
Мазкур дастурий таъминот Amnesia: Rebirth деб номланувчи хоррор – қўрқинчли, даҳшатли ўйиндир. Қуйида унинг трейлер видеосини томоша қилишингиз мумкин:
Amnesia: Rebirth ишлаб чиқувчилари уни Denuvo ҳимоя тизими билан муҳофаза қилиб ўтиришмаган; чунки кейинги пайтларда хакерлар ҳатто шундай қўриқланган ўйинларни ҳам буза олишмоқда.
Янги хоррорнинг ҳимоясини бузиш эса улар учун писта чақишдек гап бўлган. Натижада Amnesia: Rebirth расман тақдим этилган куниёқ торрентларга чиқиб кетган. Эслатиб ўтамиз, дастурларнинг бунақа «қароқчи» нусхаларидан фойдаланиш хавфли ва ноқонунийдир.
ЎҚИНГ: Ўзбекистонда илк бор: киноларни интернетга чиқарган «қароқчи» жавобгарликка тортилди
