Хакерлар ушбу компаниянинг ноутбук ва компьютерларини эгаларига сездирмасдан бошқариб келишаётган экан!
«Касперский лабораторияси» яқинда хакерларнинг яна бир ҳужуми ҳақидаги маълумотни ошкор этди. Аниқланишича, улар бутун дунё бўйлаб миллиондан ошиқ ASUS ноутбук ва компьютерларининг ҳимоясини бузиб киришган.
ЎҚИНГ: ЖОСУСЛАРДАН САҚЛАНИНГ: Windows 10 тизимида веб-камерани ўчириб қўямиз
Маълум бўлишича, хакерлар тайванлик ишлаб чиқарувчининг янгиланишларни юклаб олиш ва ўрнатиш утилитаси – Asus Live Update дастурини модификация қилишга эришганлар. Кейин эса ушбу ўзгартирилган дастурий таъминотни расмий хавфсизлик сертификатлари билан имзолаб, Asus компьютерларига тарқатишган.
Натижада, 2018 йилнинг июнидан то ноябрига қадар дунёнинг турли бурчакларидаги миллиондан ошиқ компьютерларига хакерлар масофадан туриб кириш ва зиёнкор код – бэкдор ўрнатиш имконига эга бўлишган.
Шунингдек, хакерлар муайян MAC-манзиллар ва IP-манзилларга эга бўлган 600 дан ошиқ ноутбуклар ва компьютерларга аниқ ҳужумлар ҳам амалга оширишган. Модификация қилинган «янгиланиш» файллари ASUS расмий серверларига ҳам жойланганлиги сабабли, хакерлик ҳаракатларини нафақат фойдаланувчилар, балки ҳатто компания хавфсизлик бўлими ходимлари ҳам пайқашмаган.
«Касперский лабораторияси» мутахассилари бу ҳақда ASUS вакилларига 2019 йилнинг январидаёқ хабар беришган, кейин эса бир ой мобайнида муаммоларни ҳал этишга ҳам ёрдамлашишган. Натижада, 3.6.8 версиясидаги Asus Live Update дастури ушбу хавфлардан холи тарзда чиққан. Ишлаб чиқарувчининг ўзи бу нуқсон ҳақида фойдаланувчиларга хабар бермагани боис, машҳур антивирус компанияси ушбу хакерлик ҳужуми бўйича ASUS уларни огоҳлантириб, янгиланишларни ўрнатиб олишга чақирган.
Дарвоқе, мазкур ишлаб чиқарувчининг турли русумлардаги ноутбукларини 2 502 000 сўмдан бошланган нархлар эвазига Terashop.uz интернет-дўконимиздан сотиб олиш мумкин.
ЎҚИНГ: ASUS, Acer, Lenovo, HP ва Dell ноутбукларининг Terashop.uz’даги нархлари (2019 йил 23 март)
