Xbox One’га энди клавиатура ва сичқонча улаб ҳам ўйнашингиз мумкин!

  •   DiMaX
  •  609
  •  29.10.2018 11:20

Xbox One’га энди клавиатура ва сичқонча улаб ҳам ўйнашингиз мумкин!

Бундан бир ой аввал Microsoft компанияси, яқин орада Xbox One ўйин конссоллари эгалари янги имкониятга эга бўлишларини маълум қилганди. Яъни, энди геймерлар унда геймпад ўрнига компьютер сичқончаси ва клавиатураси ёрдамида ҳам ўйнашлари мумкин бўлади.

ЎҚИНГ: Microsoft’дан миш-мишлар: Xbox консолининг бир йўла икки версияси тайёрланмоқда

Шу кунларда маълум бўлишича, айрим Xbox One эгалари аллақачон унда клавиатура ва сичқончани синаб кўриш имкониятига эга бўлишган. Булар – Alpha Skip Ahead ҳамда Beta Ring дастурларининг иштирокчилари бўлган тестерлардир.

Айни дамда компьютерда ўйнашга одатланган геймерлар Xbox One консолларида биттагина ўйинда сичқонча ва клавиатурани синаб кўришлари мумкин. Яъни, синов жараёни фақат мультиплеерли онлайн шутер – Warframe ўйини учунгина жорий этилган.

Шуниси ҳам борки, Xbox One’даги ўйинларга сичқонча ва клавиатура қўллаб-қувватловини жорий этиш борасида ҳал қилувчи қарорни дастурчилар чиқаришади. Улар мазкур компьютер аксессуарлари ушбу экотизимга қанчалик мос келишига қараб, келажакда уларнинг татбиқ этилиши ёки бекор қилинишини айтишади.

ЎҚИНГ: Ажрашишларнинг асосий сабабларидан бири – Fortnite ва бошқа компьютер ўйинлари экан!

Хабарларни тез ва осон ўқиш учун Андроид иловамизни сақлаб олинг.