Xiaomi 12 Lite GeekBench'да тестдан ўтди

Xiaomi бир неча ҳафта олдин ўзининг Xiaomi 12 сериясини тақдим этган эди. Унда нисбатан арзонроқ Xiaomi 12X модели бўлишига қарамай, компания энди Xiaomi 12 Lite моделини ишлаб чиқармоқчи. 

GeekBench'даги маълумотларга кўра, 2203129G модель рақамидаги ушбу смартфон 8ГБ тезкор хотира ва Snapdragon 778 чипи билан жиҳозланган. 

GeekBench'да қурилма Snapdragon 778 чипига эга бўлган бошқа қурилмалар билан ўхшаш натижани қайд этган. Яъни Xiaomi 12 Lite бир ядроли тестда 788 балл, кўп ядроли тестда эса 2864 баллни қўлга киритган. 

Шунингдек, смартфон Android 12 операцион тизимига асосланган MIUI 12 график қобиғида ишлаши ҳам маълум бўлди. Ўтган йилги Mi 11 Lite смартфони 5G ва 4G версияларда тақдим этилган эди. Бу йилги модель эса фақатгина 5G версияда тақдим этилиши кутилмоқда. 

ЎҚИНГ: Xiaomi 12X'нинг техник жиҳатлари ва қадоқ таркиби билан танишамиз