Xiaomi 12'нинг глобал версияси GeekBench'да тестдан ўтди

Xiaomi 12'нинг глобал версияси GeekBench'да тестдан ўтди

Ўтган йилги Mi 11 каби Xiaomi 12'нинг ҳам глобал версияси сотувга чиқади. Ўтган ойда компания Хитой бозори учун мўлжалланган моделни тақдим этган эди. 

Энди смартфоннинг глобал версияси яқин орада сотувга чиқарилади. Бундан олдин глобал Xiaomi 12'нинг прототип версияси GeekBench'да тестдан ўтди. 

Одатдагидек натижа бенчмаркнинг онлине маълумотлар базасида пайдо бўлди. 

Хитой версия каби глобал модель ҳам Snapdragon 8 Gen1 чили ва 8ГБ тезкор хотира билан жиҳозланган. Қурилманинг 12ГБ тезкор хотирага эга тури сотувга чиқиши ҳали аниқ эмас. 

GeekBench'даги прототип модель Android 12 операцион тизимига асосланган MIUI 13 график қобиғида ишлайди. Қурилма глобал версиясида эканлигини унинг модель рақамидан билиб олиш мумкин. Смартфон модель рақами 2201123G бўлиб, бу ерда “G“ ҳарфи қурилмани глобал версия эканлигини билдиради. 

Шунингдек, Xiaomi 12 Pro ҳам халқаро бозорда сотувга чиқарилади. Ўтган йилги Mi 11 Pro модели фақат Хитой бозори учун ишлаб чиқарилган эди. 

ЎҚИНГ: Black Shark 5 смартфонига оид илк маълумотлар сиздирилди