Xiaomi 12S ва Xiaomi 12S Pro смартфонлари билан танишамиз
Xiaomi 12S ва 12S Pro моделларнинг асосий камераси 1/1.28 дюймли сенсорга эга бўлди. Xiaomi 12S Ultra моделдаги сенсорни ҳисобга олмаганда бу катта ҳажмли камера сенсори ҳисобланади.
Бу Xiaomi 12 ва 12 Pro моделларидаги IMX707 сенсор билан бир хил, фарқи S моделларнинг камералари Leica билан ҳамкорликда ишлаб чиқарилган.
Кеча тақдим этилган учала смартфон ҳам Leica Summicron линзаларига эга бўлиб, Leica'нинг тасвирлаш профилларини қўллаб-қувватлайди. Фойдаланувчилар Leica Authentic Look ва Leica Vibrant Look режимларини танлашлари мумкин бўлади. Authentic Look режими табиий суратларни олишга қаратилган, албатта, ўзи Leica камералари бундай суратларни олиши билаг жуда машҳур. Vibrant Look режими эса Leica ва Xiaomi компанияларининг биргаликда олиб борган иши ҳамда икки компаниянинг услублар аралашмаси ҳисобланади.
Шунингдек, икки қурилма Adobe Labs томонидан калибрланган 10-битли RAW тасвирларни олишга қодир. Смартфон рангларни тўғрилаш метамаълумотларини файлларга жойлаштиради, шунда Adobe Lightroom автоматик равишда расмларни оптималлаштиради, бу эса фотографларга ўз суратларини қайта ишлашга имкон беради.
IMX707 сенсори 50 мегапиксел резолюцияда бўлиб, тезкор 30 кадр/сония режими ҳамда тезкор ва давомий суратларни олишга қаратилган Xiaomi'нинг AI Image Solution ва ProFocus режимларини қўллаб-қувватлайди.
Pro модель иккита 50 мегапикселли камерага эга. Биринчиси 50мм линзали 2х оптик зумга эга бўлган телефото камера, иккинчиси эса 14мм линзали ультракенг камера. Оддий 12S модели эса 13МП ультракенг ва 5МП телемакро камераларга эга.
Xiaomi 12S ва 12S Pro моделлари Snapdragon 8+ Gen1 чипи билан жиҳозланган бўлиб, у 10% юқори унумдорликни ҳамда 30% юқори энергия самарадорлигини тақдим этади.
Xiaomi 12 ва 12 Pro моделларига қараганда 12S ва 12S Pro смартфонлари камера ва чип жиҳатдан такомиллашган. Қолган жиҳатлар бўйича техник кўрсаткичлари бир хил бўлиб кўринмоқда. Xiaomi 12S Pro модели 6.73 дюймли LTPO AMOLED дисплейи билан жиҳозланган (адаптив 1-120 гертс, FullHD+ резолюция). Бу жиҳатидан Pro модель Ultra билан бир хил. Оддий 12S модели эса 6.28 дюймли 120 гертсда ишловчи (LTPO эмас) AMOLED дисплейига эга.
Xiaomi 12S Pro моделга 4,600 мАс сиғимли аккумулятор ўрнатилган бўлиб, у 120 ватт симли ҳамда 50 ватт симсиз зарядлашни қўллаб-қувватлайди. Тўлиқ қувватланиш учун қурилма 19-25 дақиқа вақт сарфлайди.
Xiaomi 12S модели эса 4,500 мАс сиғимли аккумулятор билан жиҳозланган. У 67 ватт симли, 50 ваттсиз қуввлаш технологиясига эга.
Иккала смартфон ҳам яқин кунлар ичида Хитой бозори учун сотувга чиқади. Уларнинг нархи қуйидагича:
Xiaomi 12S
8/128ГБ - тахминан 600 доллар
8/256ГБ - тахминан 640 доллар
12/256ГБ - тахминан 700 доллар
12/512ГБ - тахминан 775 доллар
Xiaomi 12S Pro
8/128ГБ - тахминан 700 доллар
8/256ГБ - тахминан 735 доллар
12/256ГБ - тахминан 705 доллар
12/512ГБ - тахминан 880 доллар
