Xiaomi 13 сериясининг техник кўрсаткичлари ҳамда қандай рангда тақдим этилиши маълум бўлди
Xiaomi 13 сериясининг тақдимоти кечиктирилди. Бироқ бу ҳодиса қурилмаларнинг ҳалигача номаълум бўлиб қолаётган камера, хотира ҳамда аккумулятор техник кўрсаткичларига оид бўлган маълумотларни чиқишига сабаб бўлди.
Маълум бўлишича, Xiaomi 13 ҳамда 13 Pro моделлари 8/128ГБ, 8/256ГБ, 12/256ГБ ва 12/512ГБ хотира ҳажмларида сотувга чиқади. 8/128ГБ хотирага эга модель UFS 3.1, қолган моделлар эса UFS 4.0 хотирасига эга бўлади. Шунингдек, барча моделлар LPDDR5X тезкор хотираси билан жиҳозланади.
Xiaomi 13 серияси камида тўрт хил рангда тақдим этилади. Улардан биттаси чекланган версия бўлиб, ундан фақат чекланган миқдорда ишлаб чиқарилади. Distant Mountain Blue рангли моделнинг орқа томони чарм билан қопланса, Wilderness Green рангли моделнинг орқа панель шишдан бўлади. Қолган икки ранг эса Ceramic Black Блаcк ва Ceramic Black деб номланади.
Ишончли инсайдер ҳисобланувчи Panda, шунингдек, смартфонларнинг камераси, аккумулятори ҳамда қувватланиш тезлиги ҳақида маълумот берди. Унга кўра, Xiaomi 13 модели 50МП Sony IMX800 асосий камера сенсорига эга бўлади. Ультракенг камера сифатида қурилмага 12 мегапикселли OmniVision ОV13B сенсори, телефото камера сифатида эса 10 мегапикселли 3.2х оптик зумга эга Samsung S5K3K1 сенсори ўрнатилади. Гаджет 4,500 мАс сиғимли аккумуляторга эга бўлиб, 67 ваттда симли, 50 ваттда симсиз қувват олиши айтилмоқда.
Xiaomi 13 Pro модели эса 50МП IMX989 сенсорли асосий камера, бундан ташқари, Samsung GN1 сенсорли ультракенг камера ҳамда худди шу сенсорли 3.2х оптик зумга эга телефото камерага эга бўлади. Қурилма 4,820 мАс сиғимли аккумуляторга эга бўлади. Уни 120 ваттда симли, 50 ваттда симсиз қувватлаш мумкин.
ЎҚИНГ: Apple'нинг сунъий йўлдош орқали фавқулодда ёрдам чақириш хизмати бир одамнинг ҳаётини сақлаб қолди!
