Xiaomi 13 Ultra'нинг сифатли рендери пайдо бўлди
Феврал ойи охирида бўлиб ўтадиган MWC 2023 тадбири давомида Xiaomi 13 сериясидаги смартфонлар тақдим қилиши кутилмоқда. Бироқ улар қаторида Ultra модел мавжуд эмас. Лекин шунга қарамай компания Xiaomi 13 Ultra устида ишлаётгани ҳеч кимга сир эмас. Интернетда бўлажак смартфоннинг жонли сурати ва унга асосланган рендерлари пайдо бўлди.
Хитойнинг Weibo ижтимоий тармоғида Xiaomi 13 Ultra эканлиги айтилаётган смартфоннинг жонли суратлари пайдо бўлди. Бир қарашда смартфон юмалоқ камера ороли билан ўтган йили ёзда тақдим қилинган Xiaomi 12S Ultra'ни эслатиб юборади, лекин яқинроқ қарайдиган бўлсак камера ороли ичидаги сенсорлар жойлашуви бироз бошқачароқ жойлашганлигини кўришимиз мумкин. Шунингдек, орқа томоннинг камера қисми юқорига кўтарилган, 12S Ultra'ники каби тикка бўртиб чиқмаган.
Twitter'да Картикей Сингх исмли фойдаланувчи юқоридаги жонли суратга асосланган Xiaomi 13 Ultra'нинг рендерларини тайёрлади ва унда сиз камералар жойлашувини янада аниқроқ кўришингиз мумкин.
𝙀𝙭𝙘𝙡𝙪𝙨𝙞𝙫𝙚: Here are the unofficial Renders of upcoming Xiaomi 13 Ultra in collaboration with @SPinfoJP!
— Kartikey Singh (@That_Kartikey) February 17, 2023
We made special attention to every details and thus the authenticity of this render is close to 90%!
How do you feel about this design? pic.twitter.com/pQReHQQXlI
Миш-мишларга кўра, Xiaomi 13 Ultra ўтган йилги 12S Ultra каби Sony'нинг 1 дюймли IМ989 сенсорини асосий камера сифатида Leica камера тизими билан қабул қилади. Катта эҳтимол билан смартфон Qualcomm'нинг Snapdragon 8 Gen 2 чипи билан жиҳозланиши кутилмоқда.