Galaxy S23 кўриниши ёқмадими? Xiaomi 13 дизайнига нима дейсиз?
Xiaomi компанияси ўзининг янги авлод смартфонлари серияси – Xiaomi 13 ва Xiaomi 13 Pro моделларини чиқаришга тайёрланмоқда. Onleaks билан ҳамкорликда Zoutons ва Compare Dial томонидан тарқатилган сифатли рендерлар эса бўлажак Xiaomi флагманлари дизайни билан яқиндан танишиш имконини беради.
Xiaomi 13 оддий моделидан бошлайдиган бўлсак, у iPhone'га ўхшаш текис ён томонли дизайнга эга бўлиб, унинг 6.2 дюйм эканлиги айтилаётган экрани мутлақо текис. Селфи камера ҳар доимгидек, экран юқори марказида. Маълум бўлишича, смартфон 152.8 х 71.5 х 8.3 мм ўлчамда. Гарчи Xiaomi 13 компаниянинг энг олди смартфонлари бири бўлса ҳам, унинг камера дизайни бюджет смартфонларни эслатиб юборади.
Xiaomi 13 Pro модели кўринишини эса Xiaomi'га мос дизайн дейиш мумкин. Унинг олд ён ёмонлари эгилган бўлиб, у ҳам марказлаштирилган селфи камера эга. Қолаверса унинг пастида "жағи" ҳам яққол сезилиб турибди. Орқа камераларга келадиган бўлсак, уларни ўраб турган тўртбурчак камера ороли сезиларли даражада катта. Бу эса, эҳтимол, смартфон каттароқ сенсорлар билан жиҳозланишини англатиши мумкин.
Xiaomi 13 смартфонлари шу ой охирлари ёки декабр бошларида тақдим қилиниши кутилмоқда.
ЎҚИНГ: Xiaomi 13 сериясига янги модел қўшилмоқда, лекин у "янги" эмас
