Xiaomi 200МП камерага эга бўлган смартфон тақдим этиши мумкин

Xiaomi 200МП камерага эга бўлган смартфон тақдим этиши мумкин

Motorola 200 мегапикселли смартфон устида ишлаётган ягона компания эмас. Digital Chat Station маълумотларига кўра, 200МП асосий камера, Snapdragon 8+ Gen1 чипи, 120 гертсли дисплей ва 5,000 мАс сиғимли аккумулятор билан жиҳозланадиган смартфон бошқа бир компания томонидан тақдим этилиши кутилмоқда. 

Инсайдер бу қайси компания бўлиши ҳақида маълумот бермаган бўлмаса-да, бу Xiaomi, аниқроқ қилиб айтганда, Redmi K50S Pro деб тахмин қилинмоқда. Шунингдек, юқоридаги техник кўрсаткичлар Xiaomi 12T Pro моделига тегишли бўлиши ҳам мумкин. Аслида Xiaomi 12T Pro ва Redmi K50S Pro моделлари битта смартфон. Улар турли минтақалар учун турли ном остида сотувга чиқади. 

Смартфонга ўрнатиладиган сенсор ёки ISOCELL HP1 ёки ISOCELL HP3 бўлиши мумкин. Иккала сенсорнинг резолюцияси 200 мегапикселни ташкил қилади. Фарқлар эса фарқ оптик формат ва пиксел катталигида учрайди. 

Motorola яқинда ISOCELL HP1 сенсорида олинган суратларни тақдим этди. Сенсор автоматик равишда 50 мегапикселли тасвирларни суратга олади. Ҳозирча Xiaomi қайси сенсорни танлаши номаълум. Агар смартфон Snapdragon 8+ Gen1 чипи билан жиҳозланишини ҳисобга олсак, катта эҳтимол билан қурилмага HP1 сенсори ўрнатилади. 

ЎҚИНГ: Дунё бўйлаб энг кўп юклаб олинган иловалар 

Сайтимизнинг энг чиройли расмларини Инстаграмдаги саҳифамизда томоша қилинг!