Xiaomi 2019 йилда АҚШ бозорини забт этмоқчи, рухсат берилса, албатта
Huawei‘ нинг АҚШ бозорида мустаҳкам ўрнашиб олишга бўлган уринишлари ҳозирча кутилган натижани бермади. ZTE эса АҚШ санкцияси туфайли хонавайрон бўлай деб турибди. Аммо Xiaomi ўзининг хитойлик ҳамкасбларига ўхшамоқчи эмас ва истиқболли режаларни тузмоқда.
Xiaomi вице-президенти Ван Сян’нинг маълум қилишича, компаниянинг АҚШ бозорига қизиқиши катта. Шу боис Xiaomi вакиллари америкалик операторлар билан музокараларни аллақачон бошлаб юборган, муҳандислари эса қурилмаларини маҳаллий мобил тармоқлари стандартларига мослаштириш устида иш олиб боришмоқда. Ушбу бренд остидаги смартфонлар iPhone ватанида келаси йилдан бошидан расман пайдо бўлиши мумкин.
Xiaomi раҳбариятининг фикрича, АҚШ ва Хитой ўртасидаги муносабатларнинг кескинлашуви компаниянинг экспанциясига ҳалақит бермаслиги керак, чунки улар асосий эътиборни асосан истеъмол сегментига йўналтиради (Huawei ва ZTE эса телекоммуникация жиҳозларини ишлаб чиқарарди). Компания шунингдек, Qualcomm ва Google билан яқин ҳамкорлик қилаётганини эслатиб ўтган, бироқ улар Xiaomi’га қандайдир ёрдам кўрсатишига ишониш қийин. Қўшма Штатлар ҳукумати шундоғам Huawei билан ҳамкорлик қилгани учун Google компаниясига даъво билдирганди
ЎҚИНГ:Xiaomi Mi A1: Android 8.1’гача янгиланиш нега тўхтатилди?
Икки мамлакатнинг қарама-қаршилиги аллақачон Xiaomi капиталига салбий таъсир кўрсатмоқда, Ганконг биржасидаги IPO натижаларининг пастлигига ҳам ушбу қарама-қаршиликлар сабаб бўлмоқда. Хитой компанияси IPO орқали 6,1 миллиард долларлик капитал жалб қилмоқчи эди, бироқ бу кўрсаткич атиги 4,7 миллиард доллар билан чекланди, халос.
Умуман олганда, ҳозирда ҳам Xiaomi Америка бозорида ўз маҳсулотларини сотиб келади, лекин бу маҳсулотлар асосан аксессуарлар ва “ақлли” уйлар учун қурилмалардан иборат.
ЎҚИНГ:Huawei бу йил Kirin чипи ва GPU Turbo билан таъминланган смартфон чиқаради
