Xiaomi 6 ГБ тезкор хотирали смартфонни сотувга чиқаради
Android Pure ресурсида Xiaomi Mi5s смартфонининг тафсилотлари эълон қилинди. Ушбу смартфон Xiaomi Mi5 моделининг янада кучайтирилган версияси ҳисобланади.
Кучайтирилган модель 6 ГБ тезкор хотира билан таъминланиб, Snapdragon 821 процессорида ишлайди. Xiaomi Mi5s экрани босим кучини аниқлаш хусусиятига эга бўлади. Бундай технология iPhone 6s ва iPhone 7 смартфонларидаги 3D Touch’нинг аналоги, десак хато бўлмайди.
- Чипсет: Snapdragon 821, 2,4 ГГц, графика Adreno 530
- Экран: 5,15 дюйм
- Хотира (Тезкор / Доимий): 6 / 256 ГБ, 4 / 128 ГБ, 3 / 64 ГБ
- Асосий камера: 16 МП, оптик стабилизация, диафрагма f/1.8, иккита светодиодли чақнок, фазали автофокус, 4К-видео (30 кадр сониясига), HDR
- Аккумулятор: 3410 мА/ст (минимум) / 3490 мА/ст (стандарт), Qualcomm fast charge 3.0 тезкор зарядлаш технологияси
- Коммуникации: 4G/3G/2G, Wi-Fi , Bluetooth, NFC, USB Type-C
- Сенсор: инфрақизил, гироскоп, акселерометр, ёруғлик сенсори
- Габаритлари: 144.55 x 69.2 x 7.25 мм
- Оғирлиги: 147 г
Янги модификациянинг қачон сотувга чиқарилиши ва нархи борасида маълумот берилмаган.