Xiaomi Apple Watch’дан беш карра арзон, битта қувват билан 20 кун ишловчи смарт-соатини тақдим этди!
Xiaomi компанияси Хитойда Amazfit Youth Edition ақлли соатини тақдим қилди. Ташқи аксессуар ташқи кўринишидан нисбатан қимматроқ бўлган Amazfit Verge моделини эслатиб юборади. Қизиғи шундаки, қурилмаларнинг ҳатто имкониятлари ҳам ўхшаш бўлса-да, “ёшларбоп талқиндагисида автономлик бироз яхшироқ.
Amazfit Youth Edition 46 граммлик етарли даражада катталикдаги корпусдан ташкил топган. Аниқлиги 360х360 пикселли, Gorilla Glass 3 билан қопланган 1,3 дюмлик AMOLED-экранга эга бўлган. Ишлаб чиқарувчининг таъкидлашича, дисплей бармоқ излари қолишини олдини олувчи махсус қопламага эга. Силикон боғлагични бошқа исталган турдаги ва ўлчамдагисига алмаштириш имконияти мавжуд.
Соат реал ҳолатдаги жисмоний фаолликни ва уйқунинг чуқурлигини, шунингдек, юрак уриш частотасини ўлчай олади. Юрак уриши меъёрдан ошиб кетса, фойдаланувчини дам олиши кераклигини англатган ҳолда махсус вибрация билан огоҳлантиради. Шунингдек, қурилма бир жойда узоқ ўтирганингиздан сўнг машқ қилишингиз кераклигини эслатади. Айтилишича, соат 11 та спорт турини қўллаб-қувватлайди: Гольф, югуриш, велосипедда учиш, футбол ва бошқалар.
Қўшимча имкониятлардан бири контактсиз ҳаридларни амалган ошириш айтиб ўтилган. Ушбу функция Хитойдан ташқарида ишлай олиши ҳали номаълум. Шунингдек, эгасининг харакат йўналишини аниқлаш учун GPS ва ГЛОНАСС билан жиҳозланган. Ишлаб чиқарувчининг айтишига қараганда, Amazfit Youth Edition бир марталик тўлиқ қувват билан 20 кунгача, аммо GPS доимий ёниқ ҳолатда 40 соатгача ишлай олиши мумкин.
Хитойда Amazfit Youth Edition смарт-соатини 72 доллар нархда сотиб олиш мумкин бўлади.
ЎҚИНГ: Nubia Alpha тақдим этилди – билакка тақилувчи соат-смартфон (+видео)
