Xiaomi арзон нархли симсиз дазмол намойиш этди
«Хитойча Apple» ўзининг навбатдаги маиший техника маҳсулоти – Mi Cordless Steam Iron дазмолини намойиш этди. Унинг ўзига хос хусусиятларидан бири – нархидир, зеро, сифатли дазмол учун ишлаб чиқарувчи атиги 30 доллар сўрамоқда.
ЎҚИНГ: Дазмол танлашни биласизми?
Дазмол симсиз ишлайди ва махсус станция орқали кувват олади. Станциядан чиқариб олинганидан кейин қизиб олиши учун 2 дақиқа кифоя қилади. Талаб қилинадиган қувват – 2 кВт. Максимал қизиш ҳарорати эса 200 даражани ташкил этади.
Бошқа дазмолларга ўхшаб, Xiaomi’нинг ушбу маҳсулоти ҳам бир нечта ишлаш режимига ва 280 миллилитр ҳажмида сув учун резервуарга эга.
Mi Cordless Steam Iron дазмолининг сотувга чиқиш санаси ҳозирча номаълум.
