Xiaomi баскетболчилар учун ажойиб кроссовка яратди, нархи 45 доллар
Хитойнинг коммуникация қурилмалари ишлаб чиқарувчи гиганти Xiaomi ҳамда Chengdu Yibu Technology Co., Ltd. компанияси ҳамкорликда баскетболчилар учун ўзига хос бўлган кроссовка яратишди. У Easy Step Classic Basketball Shoes, деб аталади.
ЎҚИНГ:Хитойликларнинг навбатдаги ихтироси: лазерли «Калашников автомати»
Кроссовканинг ўзига хослиги шундаки, пойафзалнинг устки қисми мустаҳкам супер-фибрдан қилинган. Бу материал жуда хушбичим кўринади, шамоллатиш тизимига ҳам эга ва узоқ вақт мобайнида адо бўлмайди. Easy Step Classic Basketball Shoes’нинг таглиги CARJ-FOX материалидан қилинган. У ейилиб кетмайдиган материал қўшилиб ясалган юқори эластикли резинадан тайёрланди. Тагликка ишлатилган таркиб зарба кучини пасайтиради ва ердан яхши сакрайди. Баскетбол кроссовканинг ичида сирпанмайдиган ва бактерияга қарши тўшама бор. У полиуретандан қилинган бўлиб, оёқнинг пойафзал ичига яхши жойлашиб олишини таъминлайди.
ЎҚИНГ:Huawei бу йил Kirin чипи ва GPU Turbo билан таъминланган смартфон чиқаради
Easy Step Classic Basketball Shoes баскетбол кроссовкалари Xiaomi’нинг краудфандингида сотилмоқда. Кроссовкалар қора-қизил, қора-оқ ва тўқ-сариқ рангида чиқарилмоқда. Нархи — 45 АҚШ доллари туради. Ҳозирча янги спорт пойафзали Хитой бозорида сотилмоқда, халқаро бозорга қачон чиқарилиши ҳақида маълум қилинмаган.
