Xiaomi бу гаджет бозорида Apple’дан ўзиб, лидерга айланди
Жаҳоннинг нуфузли International Data Corporation (IDC) маркетинг ва таҳлил компаниясининг янги тадқиқотларига кўра, Xiaomi компанияси тақиладиган электроника воситалари ишлаб чиқариш бўйича жаҳондаги етакчи брендга айланди. Бу хитойлик компания учун улкан муваффақият.
Унга кўра, 2017 йилнинг январ-март ойларида жаҳондаги ишлаб чиқарувчилар томонидан жами 24,7 млн дона ақлли соат ва фитнес-трекер каби қурилмалар ишлаб чиқаришган. Бу борада ишлаб чиқариш ҳажми 18 фоизга ошган.
Xiaomi 2017 йилда ишлаб чиқарилган тақиладиган гаджетларнинг 14.7 фоизига эгалик қилса, ундан кейинги ўринни Apple эгаллаган. Иккала компания биргаликда 3,6 млн дона гаджетни сотувга чиқарган. Америкалик ишлаб чиқарувчининг билак гаджетлари бозоридаги улуши 14.6 фоиз. Учинчи ўрин бир неча йил давомида бу борада етакчи бўлган Fitbit’га (12,3%) ҳамда 4-ўрин Samsung’га (5,5%) насиб қилган.
Бугун билак гаджетлари, яъни “ақлли соат”, фитнес-браслет ёки турли трекерлардан ҳозирча асосан саломатликни назорат қилишда, спорт билан шуғулланишда фойдаланилмоқда. Экспертларнинг фикрича, келажакда бундай воситалар фойдаланувчига оид барча маълумотларни қайд этишда ишлатилади ва уларнинг имкониятлари ошади.
Xiaomi компанияси бу гаджетларни ишлаб чиқариш баробарида, уларни ривожлантирмоқда ва арзон нархдан сотувга чиқармоқда. Мисол учун, апрелда тақдим қилинган Weloop Hey 3S номли илк «ақлли» соат кўринишидан ва имкониятларига кўра 400 АҚШ долларидан сотилаётган Apple Watch Sport’ни эслатиб юборади. Бироқ, Xiaomi уни $78 долларга баҳолаган.
