Xiaomi CC9 селфифони глобал бозорга Mi A3 бўлиб чиқиши мумкин

  •   DiMaX
  •  1074
  •  28.06.2019 11:53

Xiaomi CC9 селфифони глобал бозорга Mi A3 бўлиб чиқиши мумкин

Xiaomi ўтган йил ёзда Испания пойтахтида Mi A2 (сотиб олиш) смартфони ҳамда унинг соддароқ талқини – Mi A2 Lite (харид қилиш) модели тақдим этганди. «Хитойча Apple» фанатлари бу йил ёзда уларнинг давомчиларини кутишмоқда.

ЎҚИНГ: Xiaomi Mi A3 ҳамда Mi A3 Lite: дактилоскопли экран, 32 МПлик селфи-камера!

Ҳиндистонлик инсайдер Судҳаншу Амбҳоре (Sudhanshu Ambhore) бир неча соат аввал Twitter тармоғида Xiaomi Mi A3 ҳақида янги маълумотларни тарқатди. Унга кўра, Android One дастури ҳамда тоза Android тизими ишқибозлари яқин орада Xiaomi Mi A туркумидаги янги смартфонни харид қилишлари мумкин бўлади.

Энг қизиғи шундаки, Mi A3 дизайни ҳали расман тақдим қилинмаган Xiaomi CC9 моделига икки томчи сувдек ўхшайди! Ҳатто инсайдер тармоққа жойлаган суратда айнан компания раҳбари куни кеча эълон қилган смартфон акс этган.

ЎҚИНГ: Xiaomi CC9: янги суратлар ва камеранинг «тунги режим»и акс этган видео!

Демак, Mi A3 модели Xiaomi CC9 смартфонининг MIUI график қобиғи ўрнатилмаган – тоза Android тизимли глобал версияси бўлиши мумкин. Агар шундай бўлиб чиқса, у ҳолда Xiaomi CC9e қурилмаси Хитойдан ташқаридаги бозорларга Mi A3 Lite модели сифатида тақдим этилиши эҳтимоли юқори.

Судҳаншу Амбҳоре фойдаланувчиларнинг ушбу модел қачон чиқиши ҳақидаги саволларига жавобан, Xiaomi Mi A3 тақдимоти бир неча ойдан сўнг бўлиб ўтишини айтган. Эҳтимол, ушбу қурилма кузда намойиш этилар. Компаниянинг турли русумлардаги телефонларини Terashop.uz интернет-дўконимизда атиги 590 000 сўмдан бошланувчи нархларда харид қилиш имкони бор. Улардан аксариятининг нархлари анча пасайтирилган, шунингдек, айримларини энди пул ўтказиш (перечисление) йўли билан ҳам олишингиз мумкин!

ЎҚИНГ: Xiaomi Mi A3 ҳам янги Snapdragon 730 чипига эга – у Galaxy A80 билан беллашади!