Xiaomi CC9: янги суратлар ва камеранинг «тунги режим»и акс этган видео!
Ёшларбоп CC брендига мансуб илк иккита смартфонни тайёрлаётган Xiaomi раҳбари CC9 моделининг расмларини ошкор этди. Шунингдек, инсайдерлар ушбу моделнинг реклама ролигини ҳам тарқатишди.
ЎҚИНГ: Xiaomi CC9 ҳамда CC9e смартфонларининг тақдимот куни, нархи, жиҳатлари ва суратлари!
Компания бош директори Лей Цзунь (Lei Jun) бугун эрталаб Xiaomi CC9 смартфонининг янги – мовий тусли корпусга эга варианти расмларини эълон қилди. Бундай рангдаги смартфон ҳали дунё юзини кўрмаган: корпус шунчаки мовий эмас, балки унда ДНК толаларини эслатувчи бир жуфт қийшиқ чизиқ ҳам ўтган.
Кўк рангдан ташқари, Xiaomi CC9 яна қора ва оқ корпусларда ҳам тақдим этилади. Оқ тусдагисиям шунчаки оқ эмас, балки градиент тусли: турли бурчаклар остида қараганда у турфа ранглар жилосини беради. 
ЎҚИНГ: Xiaomi смартфонларини янада яхшиловчи идеал лаунчер аниқланди
Шунингдек, машҳур инсайдер Мукул Шарма (Mukul Sharma) ушбу моделга бағишлаб ишланган расмий реклама видеосини ўзининг Twitter-саҳифаси орқали эълон қилди. Унда Xiaomi CC9 камерасига жорий этилган тунги режимга ишора қилинади:
Xiaomi Cc9 latest promo video clearly hints at night mode photography.#Xiaomi #xiaomicc9 #xiaomicc9e pic.twitter.com/AElBwCnMvw
— Mukul Sharma (@stufflistings) 26 июня 2019 г.
Бу ердаги «capability» сўзи Xiaomi CC9 моделининг тунги суратга олиш режимида ўзини яхши намоён этишига ишора қилаётир.
Эслатиб ўтамиз, Xiaomi CC9 ва Xiaomi CC9e смартфонларининг намойиши кейинги ҳафтада – 2 июль куни бўлиб ўтади. Компаниянинг турли русумлардаги телефонларини Terashop.uz интернет-дўконимизда атиги 590 000 сўмдан бошланувчи нархларда харид қилиш имкони бор. Улардан аксариятининг нархлари анча пасайтирилган, шунингдек, айримларини энди пул ўтказиш (перечисление) йўли билан ҳам олишингиз мумкин!
ЎҚИНГ: Xiaomi смартфонларини MIUI 10.3.1.0 прошивкаси «ғиштга айлантиряпти»
