Xiaomi Cepheus – Snapdragon 855 ва 6 ГБ «оперативка»ли смартфон Geekbench’да «қўлга тушди»!
«Хитойча Apple» алоҳида бренд сифатида ажратилган Redmi туркумидаги янги – Redmi X смартфонини 10 январда намойиш этишидан хабардормиз. Лекин бугун – 8 январь куни Geekbench маълумотлар базасида компаниянинг яна битта – бу гал кучли телефони «кўзга ташланди».
ЎҚИНГ: «ЖОНЛИ» ВИДЕО: Xiaomi тақдим этилмаган Redmi Note 7’ни улоқтириб-тепкилаб синаб кўрсатди!
Бенчмаркда ушбу янги смартфон Xiaomi Cepheus кодли номи билан қайд этилган. Qualcomm’нинг энг сўнгги ва илғор Snapdragon 855 процессори билан қуролланганига қараганда, бу Mi брендига мансуб кучли модел бўлади. Android 9.0 Pie тизим талқинига эга смартфоннинг тезкор хотираси 6 гигабайтлик ҳажмга эга.
Кўриб турганингиздек, Xiaomi Cepheus смартфони Geekbench сервисидаги самарадорлик синовидан ўтган. Қурилма якка ядроли текширувда 3475 балл, кўп ядроли синовда бўлса 10872 балл олган.
Ушбу смартфоннинг қандай ном билан бозорга тақдим этилиши ва бошқа тафсилотлари ҳозирча маълум эмас. бу борадаги янгиликларни биз билан бирга кузатинг.
ЎҚИНГ: 38 моделдаги Xiaomi смартфони барқарор MIUI 10 прошивкасигача янгиланмоқда (тўлиқ рўйхат)
