Xiaomi Civi 3 қачон чиқарилишини расман эълон қилди

Xiaomi Civi 3 қачон чиқарилишини расман эълон қилди

Бир неча йил аввал Xiaomi ўз смартфонлари орасида ташқи кўринишига кўпроқ урғу бериладиган Civi моделини тақдим қилган эди. Бу йилга келиб эса компания унинг учинчи авлодини намойиш қилишга тайёрланмоқда – тақдимот санаси яқинлашар экан Xiaomi Civi 3 расмий суратларда кўрсатилди.

Компания ўзининг Weibo ижтимоий тармоғидаги расмий саҳифасида улашган фотолар бизга бўлажак Xiaomi Civi 3 смартфонининг асосий дизайни билан танишиш имконини беради мумкин: смартфондан алоҳида бўртиб чиқиб турадиган юмалоқ камера ороли учлик сенсорларни ўз ичига олади ва унинг остида LED чироғи жойлашган.

Смартфон рангларини танлашда Xiaomi'га трендларни прогноз қиладиган ва дизайн, модага алоқадор WGSN компанияси ёрдам берган ёхуд улар ҳамкорликда ишлашмоқда. Смартфон учта икки хил рангли вариантларда таклиф қилинади. Булар Rose Purple (оч бинафшаранг), Adventure Gold (тилларанг) ва Mint Green (оч яшил) рангли версиялар бўлса, тўртинчи вариант тўлиқ кулрангда (Coconut Gray) бўлади.

Афсуски, компания смартфоннинг техник хусусиятларини очиқлаганича йўқ. Бу борадаги расмий маълумотлар унинг чипсети Dimensity 8200 Ultra ва асосий камераси 50 MP OIS сенсори бўлишидир.

Xiaomi Civi 3 смартфони расман 25 май куни тақдим қилиниши кутилмоқда.

Сайт янгиликларидан доимий хабардор бўлиш учун Телеграм каналимизга қўшилинг!