Xiaomi`дан арзон ва кучли планшет
Сайтимизда аввалроқ Xiaomi Mi Pad 2 планшети ҳақида маълум қилгандик. Яқинда эса мазкур қурилма ва унинг тавсифи тўғрисида интернет саҳифаларида янги хабарлар пайдо бўлди.
Жумладан, Xiaomi компаниясининг янги планшетининг тест натижалари AnTuTu бенчмаркида эълон қилинди, деб хабар беради Gizchina.
Тест натижаларидан шу нарса аён бўлдики, Xiaomi Mi Pad 2 планшети флгаман даражасида. Янги қурилма бенчмаркда 85 101 очко жамғарди, айни шу пайтда 10 ядролик Meizu Pro 5 эса 85 656 очко йиққан.
Эътиборлиси, Samsung Galaxy Note 5, Samsung Galaxy S6 Edge ва HTC One M9 каби флагманлар Xiaomi Mi Pad 2 дан минг, ҳатто ундан ҳам камроқ очкога лойиқ кўрилган.
Тавсиф ва нарх
Mi Pad 2 планшети 7,9-дюйм (2048х1536 пиксель) дисплей, 64-бит тўрт ядроли, 2,24 ГГц такт частотали Intel x5-Z8500 процессор, 2 ГБ тезкор ва 16 ёки 32 ГБ доимий хотира, 8-мегапиксель асосий ва 2-мегапиксель фронтал камера ҳамда қуввати 6190 мАс бўлган аккумулятор билан таъминланган.
Xiaomi Mi Pad 2 планшети юклаш режимида икки операцион тизим—Android ва Windows 10 ни қўллай олади, деб ёзади WindowsCentral.
Планшетнинг 16 ГБ доимий хотирага эга вариантига 999 хитой юани ($155), 32 ГБ хотиралисига эса 1299 юань ($200) нарх қўйилган.
