Xiaomi’дан “испанча дуэт”: Mi A2 ва Mi A2 Lite тақдим қилинди

Шуҳрат Сатторов
4924
24.07.2018 16:02

Xiaomi 2017 йилда Android One туркумидаги илк смартфони – Mi A1 девайсини тақдим қилган эди. Бугун эса Испания пойтахти Мадридда мазкур моделнинг "меросхўри" бўлган Mi A2 смартфони ҳамда унинг соддароқ талқини Mi A2 Lite модели тақдим қилинди. Тақдимот маросимида қайд этилишича, Mi A1 сўнгги бир йилликнинг энг яхши сотилган смартфонлари ўнталигидан ўрин эгаллаган. Мисол учун, 2018 йилнинг феврал ойи мобайнида жаҳон миқёсида сотилган жами смартфонларнинг 1,1 фоизи айнан Mi A1 модели ташкил қилади.

Тақдимотда Xiaomi’нинг вице-президенти Ванг Шианг 2017 йил компания учун муваффақиятли келгани, 7 йил ичида компания даромади $15 млрд долларга етгани, ўсиш суръати Apple, Google ҳамда Facebook компаниялариникидан ҳам юқори эканини таъкидлади. Компания 5 турдаги маҳсулот сотишда айни пайтда жаҳонда биринчи рақамли бренд. Шундан сўнг смартфонлар тақдимоти бошланди.

Mi A2 моделининг 7.3 миллиметрли металлдан тайёрланган орқа панели қайрилма дизайнда тайёрланган. Девайс қуйисида Type-C USB порти мавжуд. Смартфон экрани 2.5D шаклидаги 5-авлод Corning Gorilla Glass шишаси билан қопланган. Смартфон тилла, кўк ҳамда қора рангдаги корпусларда ишлаб чиқарилади.

Mi A2 бош камерасида икки объективли: 12 мегапикселли IMX486 сенсори ҳамда 20 мегапикселли Sony IMX376 сенсори. Уларнинг ҳар иккаласидаги ёруғлик тақсимлайдиган диафрагма f/1.75 стандартли. Яъни, жуда ҳам яхши. Натижада, сенсорларнинг пиксел ўлчам ҳам катталашган - 1.25 микрон пиксел ва 2 микрон пиксел. Xiaomi тақдимотда Mi A2 камера имкониятларини Samsung Galaxy A8 билан таққослаб, ўз смартфони бу борада илғор эканини айтди. Айниқса, ёруғлик паст шароитда сурат олишда Mi A2 ўз соҳибини хурсанд қилади.

Xiaomi томонидан маълум қилинишча, иккинчи – 20 мегапикселли сенсорга татбиқ қилинган 'Super Pixel' технологияси ёрқин суратлар оилш учун айни муддао. Mi A2 модели портрет олишда "сунъий онг"га таянади.

Mi A2 селфи камераси ҳам ёмон эмас -- 20 мегапикселли. Селфи учун ҳам фотчақноқ ҳам мавжуд. Селфи камерада ҳам орқа фони ғира-шира қилинган суратлар олиш мумкин.

Яна бир ўзига хос жиҳат -- Google Lens! Google Lens сурат ва манзарани таҳлил қилади. Google Assistant - ақлли ёрдамчиси, Google Photos иловаси фотосурат билан ишлаш имконини оширади.

Mi A2 бизга яхши таниш Qualcomm Snapdragon 660 чипига эга бўлган. Xiaomi'га кўра, Antutu бенчмаркида гаджет 140,000 балл, яъни ўтган йилги Mi A1 моделидан (64,523) анча-мунча кўп балл тўплаган. Mi A2 тезкор хотираси 4/6 гигабайтли, доимий хотира 64/128 гигабайтли.

Нарх-наво

Xiaomi Mi A2 моделининг энг қуйи талқини 290 АҚШ доллари, ўрта талқини 326 АҚШ доллари ҳамда энг юқори талқини 400 АҚШ долларидан сотувга чиқарилади.

Шундан сўнг жамоатчилик эътиборига Mi A2 Lite модели тақдим қилинди.

Ушбу ҳамёнбоп девайс олд панелида, экран юқорисида iPhone X'ники каби кесиғи бор. Унинг дисплейи 5.84 дюймли, 19:9 ўлчамли, пиксел сиғими HD+.

Смартфон ўртача имкониятли Snapdragon 625 процессорига эга бўлган. Бу чип кўплаб Xiaomi смартфонларида, жумладан Redmi Note 5, Redmi 6 Pro каби девайсларга ўрнатилган.

Mi A2 Lite бош камерасига қўш сенсор танланган: 12MP+5MP камера модуллари. Олд камера эса 5 мегапикселли аниқликда сурат олади. Унинг камераларида ҳам "сунъий онг" технологияси жорий қилинган. Mi A2 Lite қуввати учун ток сиғими 4000 мА соат бўлган аккумулятор масъул.

Mi A2 Lite моделининг 3/32 ГБ талқини 209 АҚШ доллари, 4/64 Гб талқини 267 АҚШ долларидан сотувга чиқарилади.

27 июлдан сотувга чиқариладиган ҳар иккала смартфонда "қувватни ақлли тежаш" технологияси жорий қилинган.

Xiaomi Mi A2 техник жиҳатлар:

Алоқа тармоғи: GSM (850/900/1800/1900 МГц), WCDMA/HSPA (900/1800/1900/2100 МГц), FDD-LTE (B1, B3, B5, B7, B8, B20, B34, B38, B39, B40, B41), TD-SCDMA, CDMA;

Платформа: Android Oreo (Android One);

Дисплей: 5,99", 2160 х 1080 белги, 18:9, 403ppi, 1500:1, IPS, 2,5D шаклидаги Gorilla Glass 5 шишаси;

Камера: қўш, 12 Мп, (Sony IMX486, 1,25 мкм, f/1.75) + 20-Мп (Sony IMX376, 2 мкм, TetraCell, f/1.75), 4К@30fps;

Олд камера: 20 Мп, Sony IMX376, 2 мкм, Super Pixel, HDR;

Процессор: 8 ядро, 4 x 2,2 ГГц + 4 x 1,8 ГГц, Qualcomm Snapdragon 660;

График чип: Adreno 512 650 МГц;

Оператив хотира: 4/6 ГБ LPDDR4X;

Доимий хотира: 32/64/128 ГБ eMMC 5.1;

Хотирани кенгайтириш: йўқ;

Бошқа жиҳатлар: GPS, ГЛОНАСС, Bluetooth 5.0 HID, Wi-Fi (802.11a/b/g/n/ac), 2x2 MU-MIMO, USB Type-C;

nano-SIM: 2 та сим-карта;

Бармоқ изи сканери: бор;

Аккумулятор: 3010 мА соат, QuickCharge 3.0 18W тезкор қувватлаш;

Ўлчамлари: 158,7 х 75,44 х 7,3 мм;

Вазни: 168 грамм.

Xiaomi Mi A2 Lite техник жиҳатлари:

Алоқа тармоғи: GSM (Band 2, 3, 5, 8), CDMA (BC0), WCDMA (Band 1, 2, 5, 8), TD-SCDMA (Band 34, 39), FDD-LTE (Band 1, 3, 5, 7, 8, 20), TDD-LTE (Band 34, 38, 39, 40, 41);

Платформа: Android Oreo, Android One;

Дисплей: 5,84", 2280 х 1080 белги, 19:9, 432 ppi, 1500:1, 500 нит, 84% NTSC, IPS;

Бош камера: қўш, 12 Мп + 5 Мп, 1,25 мкм, f/2.2, AI, ғира-шира фон, PDAF, LED-фоточақноқ, 1080p@30fps видео;

Олд камера: 5 Мп, HDR, AI, портрет режими, Face Unlock;

Процессор: 8 ядро, 2,0 ГГц, 64 бит, Qualcomm Snapdragon 625;

График чип: Adreno 506;

Оператив хотира: 3/4 ГБ;

Доимий хотира: 32/64 ГБ;

Хотирани кенгайтириш: microSD бор;

Бошқа жиҳатлар: A-GPS, ГЛОНАСС, Beidou, Wi-Fi (802.11a/b/g/n), Bluetooth 4.2, microUSB, 3,5 мм туйнук;

Аккумулятор: 4000 мА соат;

Ўлчамлари: 149,33 х 71,68 х 8,75 мм;