Xiaomi дунёдаги илк ўйинбоп ва рекордчи 5G-смартфон тақдимот кунини эълон қилди! (+видео)
Black Shark бренди ўйинбоп смартфонлар ва бошқа гаджетлар ишлаб чиқаришини биласиз. Жумладан, у геймерофонлар учун геймпаддан ташқари, махсус повербанк ҳам тақдим этган.
ЎҚИНГ: ТОП-10: Энг кучли ўйинбоп смартфонлар (2019 йил, ноябрь)
Ушбу бренд ўзининг навбатдаги девайси – Black Shark 3 моделини тайёрлаган. Бу флагман шу пайтгача бозорга тақдим этилаётган смартфонлар орасида рекордчи бўлиши билан бирга, илк 5G-геймерофон эканлиги билан ҳам аҳамиятлидир.
Xiaomishka никли инсайдернинг хабар беришича, Black Shark 3 модели шу йилнинг 3 март куни намойиш этилади:
Xiaomi корпорациясининг таъкидлашича, Black Shark 3 – бешинчи авлод уяли алоқа тармоғини қўлловчи дунёдаги биринчи ўйинбоп смартфондир. Ҳозиргача маълум бўлгани шуки, ушбу флагманнинг 2K форматини қўллаб-қувватловчи экранининг кадр янгиланиш частотаси 120 герцга тенг. Snapdragon 865 процессоридан ташқари, у янгича – LPDDR5 тоифали тезкор ҳамда UFS 3.0 туридаги ички хотираси билан ҳам мақтана олади.
ЎҚИНГ: iPhone 12 Pro’лар рекорд ҳажмли «оперативка»га эга, лекин Samsung ва Xiaomi флагманлари...
Шунингдек, инсайдерлар мааълумотлари асосида Black Shark 3 моделининг асосий хусусиятларини акс эттирувчи қуйидаги видео ҳам тайёрланган:
Black Shark 3 яна стереодинамикка, NFC чипига ҳамда Wi-Fi 6 интерфейсига ҳам эга. Унинг 5000 мА/соатлик аккумулятори 65 ваттлик технология асосида тезкор қувватланиб, 38 сониядаёқ тўла олади.
ЎҚИНГ: Яширин селфи-камерали илк смартфон атиги 5 дақиқада 50% қувват олади!