Xiaomi илк симсиз портатив аккумуляторни чиқаряпти. Шу функцияни Mi 9’нинг ўзи ҳам бажаради!
20 февралда «хитойча Apple» ўзининг Xiaomi Mi 9 флагмани ҳамда унинг премиал Mi 9 Explorer Edition талқинини тақдим этиши маълум. Булардан ташқари, компания 24 февралдаёқ яна битта гаджет намойиш қилади.
ЎҚИНГ: Xiaomi Mi 9’ни илк «жонли» видеода томоша қилинг!
Булардан ҳам ташқари, Xiaomi компанияси ўша 20 февралдаги маросимда яна бир янги ишланмасини илк бор оммага расман кўрсатади. Бу – турли гаджетларни симсиз қувватловчи биринчи портатив аккумулятор (повербанк) бўлади.
Манбаларга кўра, симсиз қувватловчи аккумуляторнинг ток сиғими 10 000 мА/соатлик, аммо унинг нархи ва бошқа жиҳатлари ҳақида маълумот йўқ.
ЎҚИНГ: Energizer рекордчи смартфон тақдим этди: қуввати нақ олтита iPhone XS Max билан тенг!
Яқинда хабар берганимиздек, жанубий кореялик компаниянинг Galaxy S10 флагманлари Reverse Charging технологиясига эга – турли қурилмаларни симсиз қувватлай олади. Бугун маълум бўлишича, худди шундай хусусият Xiaomi Mi 9 флагманларида ҳам бўлади!
Бу маълумотни Xiaomi асосчиларидан бири – Вэн Чуань (Wang Chuan) ўзининг Weibo-аккаунти орқали эълон қилган. Унда ёзилишича, Mi 9 ҳамда унинг «Explorer Edition» версияси тегишли девайсларни 15 ваттлик технология бўйича тезкор симсиз қувватлай олади.
Кўриниб турибдики, Xiaomi Mi 9 флагманлари нафақат Samsung Galaxy S10 туркуми билан бир кунда тақдим этилади, балки улар билан том маънода рақобатга киришади!
ЎҚИНГ: Galaxy M20’нинг AnTuTu’даги кўрсаткичи боис Xiaomi яна Samsung’ни калака қилди