Xiaomi энг оммабоп флагманини энди ишлаб чиқармайди
Хитойдаги манбаларнинг ёзишича, Xiaomi компанияси ўз расмий сайтидаги каталогдан оммабоп Mi 9 флагманини олиб ташлаган. Одатдан бундай ҳолатлар шу маҳсулотнинг ишлаб чиқарилиши тўхтатилганини англатади.
ЎҚИНГ: Redmi’нинг иккита арзон флагмани рекорд ўрнатди
Xiaomi бу билан ўзининг янги моделлари савдосига кўпроқ эътибор қаратмоқчи, дейишмоқда кузатувчилар. Масалан, унинг расмий каталоги ассортиментида ундан яхшироқ – Mi 9 Pro 5G флагмани пайдо бўлган. Ушбу модел яқинда энг зўр ўйинбоп смартфонлар рейтингида кучли бешталикка кирган эди.
Расмий каталогда Mi 9 смартфонини излашганида, хитойлик харидорларга унинг ўрнига Mi 9 Pro 5G ёки Mi CC9 Pro таклиф этилмоқда. Булардан иккинчиси глобал бозорга Mi Note 10 модели тарзида тақдим этилган.
Айтиш керакки, Mi 9 ишлаб чиқаришдан ҳамда компаниянинг расмий каталогидан олинган бўлса-да, дўконлардан бирданига ғойиб бўлмайди. Ҳали омборларда сақланаётганининг ўзи ҳам бир неча ой сотишга етарли бўлади. Унгача эса Xiaomi яна бир қатор янги моделларда ўрта нархли ва арзон смартфонлар тақдим этади.
ЎҚИНГ: 10 декабрда Xiaomi нафақат Redmi K30, балки Pocophone F2 ва Mi Mix 4’ни ҳам тақдим этиши мумкин!
