Xiaomi эртагаёқ тақдим этаётган Redmi X флагманининг нархи ва хусусиятлари маълум бўлди!
«Хитойча Apple» ҳамёнбоп смартфонлар туркумидаги Redmi X флагманининг тақдимот кунини ҳали январнинг охиридаёқ расман айтган эди. Аммо кейинчалик бу модел «ёнғоқчақар» Redmi Note 7 ва бошқа гаджетлар ҳақидаги хабарларнинг «соясида қолиб кетган».
ЎҚИНГ: Xiaomi экрани дактилоскопли Redmi X флагманининг тақдимот кунини расман эълон қилди!
Xiaomi ўша расмий таклифномасида маълум қилган маълумотлар – унинг 15 февралда расман намойиш этилиши ва унинг экрани дактилоскопли илк Redmi смартфони эканлигидир. Энди эса iGeekPhone ресурси унинг кутилаётган техник хусусиятларини эълон қилди.
Унга кўра, Redmi X ҳали яқиндагина тақдим қилинган Snapdragon 712 процессори базасида ишлайди. Хотира ҳажмига келсак, бу смартфон 4/64 гигабайтликдан 8/256 гигабайтликкача конфигурацияларда тақдим этилади.
Redmi X’нинг асосий ўзига хосликларидан бири – уч модулли (48, 20 ва 8 МПлик) бош камерасидир. Бундан ташқари, мазкур смартфон селфи ишқибозлари учун ҳам ажойиб совға бўла олади. Ушбу девайснинг 6,6 дюймлик экранидаги томчисимон «кемтик»да нақ 20 ва 8 мегапикселлик сенсорлардан иборат қўшалоқ олд камера жойлашган!
ЎҚИНГ: Ишлаётган ҳолдаги Xiaomi Mi 9’нинг илк сифатли «жонли» суратлари унинг техник жиҳатларини ошкор этди
Смартфоннинг аккумулятори 4500 мА/соатлик ток сиғимига эга ва у 27 ваттлик технология асосида тезкор қувватлана олади. Дастлабки маълумотларга кўра, Redmi X моделининг нархи 222 доллардан бошланади.
Ушбу бренднинг дастлабки модели – Redmi Note 7’ни Ўзбекистонда ҳозирча фақат AliExpress’дан буюртма орқали сотиб олиш мумкин. Жаҳон бозорига чиқарилган айрим Xiaomi смартфонларини эса 819 000 сўмдан бошланувчи нархларда Terashop.uz интернет-дўконимиздан харид қилиш имкони бор. Айниқса, шу кунларда – акция доирасида бу харидингиз янада ёқимли ва манфаатли бўлади.
ЎҚИНГ: Қарши олинг: Terashop.uz’да «Баҳорий кайфият» акцияси!
