Xiaomi февралда Mi 7’ни кўрсатмоқчи эмас
Аксарият смартфонсозлар Mobile World Congress сингари халқаро кўламдаги йирик кўргазмаларда ўзларининг янги флагманларини намойиш этишга одатланишган. Жумладан, жорий йилнинг 26 февралида бошланадиган MWC 2018 тадбирида ҳам бир-биридан аъло қурилмалар тақдимоти кутилаётир.
ЎҚИНГ: Бешта объективли инқилобий камерага эга Nokia 10’нинг илк суратларини томоша қиламиз!
Аммо жадал ривожланиб келаётган хитойлик компания – Xiaomi кўпчиликдан ажралиб туришга қарор қилган кўринади. Гап шундаки, у ўзининг навбатдаги флагмани – Mi 7 русумли телефонини MWC 2018 тадбирида намойиш этиши ҳақида хабарлар тарқалган эди. Аммо компания ходимларидан бирининг маълум қилишича, Xiaomi ўзининг бу смартфонини мазкур кўргазмада тақдим этмайди, деб ёзади Android Headlines нашри.
Аммо «хитойлик Apple» барибир Mobile World Congress 2018 кўргазмасида иштирок этади – маълумотларга кўра, ундаги Hall 6 Stand 6B30 стендини Xiaomi H.K. Limited банд этган.
Шунга қараганда, биз бу тадбирда iPhone X услубидаги дизайнда ишланган Mi MIX 2s смартфонини, ҳамёнбоп Redmi Note 5 моделини ёки 7 дюймлик дисплейга эга Mi Max 3 фаблетини кўришимиз мумкин.
ЎҚИНГ: Mi Max 3 йилнинг энг мафтункор смартфони бўлади
Mi 7 моделига келсак, Xiaomi унинг тақдимот вақтини ҳозирча маълум қилмаётир. Эҳтимол, уни апрелда намойиш этишар, зеро, бу флагманнинг битта олдинги «аждод»и ҳам ўтган йилнинг айни шу ойида тақдим этилган.
Хитойликларнинг Mi 7 смартфони Qualcomm Snapdragon 845 чипи ва 6 гигабайтлик тезкор хотирадан ташқари, кўплаб янгича технологияга эга бўлади. Аммо таҳлилчилар мазкур флагман Xiaomi ихлосмандларини кўп ҳам хурсанд қилмаслигини прогноз қилишмоқда.
ЎҚИНГ: Mi 7 ҳақида Xiaomi фанатларини хурсанд қилмайдиган хабар чиқди
