Xiaomi фирма процессорига эга Xiaomi Mi 5c’ни тақдим қилди

Xiaomi фирма процессорига эга Xiaomi Mi 5c’ни тақдим қилди

Xiaomi компанияси MWC 2017 халқаро кўргазмасида компаниянинг ўзи ишлаб чиқараётган Surge S1 процессорида ишлайдиган илк смартфонни намойиш қилди. Бу мобиль алоқа воситаси Xiaomi Mi 5c флагманининг такомиллашган талқинидир.

Фирма процессори
Xiaomi Sugre S1 чипсети 28 нанометрли тех-жараёнда ишлайди. Чип ўрта ва ҳамёнбоп нархдаги смартфонларга ўрнатишга мўлжалланган. Процессор ҳар бири 4 ядроли 2 қисмдан иборат: частота тезлиги 2,2 ГГц ҳамда 1,4 ГГц бўлган Cortex-A53 процессорларидан ташкил топган. Смартфондаги график-тасвирни қайта ишлаш учун Mali-T860 масъул.


GFXBench ва GeekBench 4.0 тизимларидаги натижаларга кўра, Surge S1 процессори Snapdragon 625 ва Helio P10 процессорларидан илғор.

Xiaomi Sugre S1 чипсети билан таъминланган Xiaomi Mi 5c смартфони металл корпус ва олд панелнинг қуйисида бармоқ излари сканерига эга. Смартфонда USB Type-C ва 3,5 мм аудио гарнитура бор.

3 мартдан бошлаб сотиладиган смартфон 3 рангли корпусда сотувга чиқади — қора, тилла ва пушти. Унинг баҳоси 218 долларни ташкил қилади.

Xiaomi Mi 5c’нинг техник жиҳатлари:
Дисплей: 5,15 дюймли, Full HD сиғимли;
Процессор: Surge S1 — 4 ядро Cortex-A53 2,2 ГГц + 4 ядро Cortex-A53 1,4 ГГц;
Камера: 12 МП бош ҳамда 8 МП олд;
Хотира: 3 ГБ оператив ва 64 ГБ доимий;
Операцион тизим: Android 7,1 Marshmallow’нинг ўзлаштирилган MIUI талқини;
Аккумулятор сиғими: 2860 мА соат.

Сайтимизнинг энг чиройли расмларини Инстаграмдаги саҳифамизда томоша қилинг!