Xiaomi’га тегишли эластик дисплейнинг видеоси тарқалди

Xiaomi’га тегишли эластик дисплейнинг видеоси тарқалди

Бундан бир неча кун олдин интернет тармоғидаги нашрларда Xiaomi компанияси томонидан ишлаб чиқилган эластик дисплей фотосуратлари эълон қилинган эди. Кеча эса мазкур турдаги дисплейнинг видеоси ҳам пайдо бўлди.

Бугунги кунда мобил қурилмалар бозорида ишлаб чиқарувчилар орасида рақобат шунчалик кучайдики, уларнинг ҳар бири соҳадаги янги инновациялар билан фойдаланувчилар эътиборини жалб қилишга интилмоқда. Мисол учун, яқинда Жанубий Кореянинг LG компанияси икки томонга букиладиган планшет прототипини патентлаган эди. Ёки Samsung Electronics ҳам аввалроқ худди мана шундай ишланмаларини намойиш қилганлиги ҳам маълум. Бироқ қурилмалар учун бундай экранларни ялпи тайёрлашга ҳали ҳеч бир компания киришгани йўқ.

Xiaomi’нинг ҳам эластик дисплейлар яратиш устида ишлаётгани ҳам яқин келажакда букилма экранли қурилмалар сотувга чиқарилишидан дарак беради. Видео кўриниб турганидек, эластик дисплей сенсори ва иловалар орасидаги навигация соз ҳолатда ишламоқда.

Эслатиб ўтамиз,  Xiaomi эластик дисплей яратиш устида ишлаётган ягона Хитой компанияси эмас. Шу йилнинг июнь ойида ўтказилган матбуот анжуманларининг бирида Lenovo фирмаси ҳам ана шундай турдаги экранларни намойиш қилган эди.

Сайтимизнинг энг чиройли расмларини Инстаграмдаги саҳифамизда томоша қилинг!