Xiaomi ғайриоддий кўринишдаги “анти-кемтик”ли смартфонни патентлади

Смартфон ишлаб чиқарувчилар тўлиқ ромсиз дизайн яратиш мақсадида олд камера конструкцияси устида кўплаб экспериментлар олиб бормоқда. Хитойнинг Xiaomi компанияси ҳам шу борада ўзининг ноодатий ечимини таклиф этган.

Патент ҳақидаги маълумотлар кўрсатилган хужжатлардан «Хитойча Apple» тескари кемтикли қурилмани яратиш устида бош қотираётганини пайқаш мумкин. Бундай қурилмаларнинг юқори қисмида камера компонентларини жойлаштириш учун корпуснинг тепасига чиққан алоҳида кемтик яратилади.

Юқоридаги расмлардан кўриш мумкинки, юқорига чиқарилган модулдан жуфт камера ва динамик жой олади.  

Компания «анти-кемтик»нинг бир нечта кўринишини тақдим этган. У тўғри ёки айланма бурчакли формада бўлиши кўзда тутилган.

Шунингдек, конструкция иккиталик асосий камера ва симметрик USB Type-C порти билан жиҳозланади.

Умуман олганда ушбу қарор анча шубҳали туюлмоқда. Барча фойдаланувчиларга ҳам экрандаги «кемтик» ёқавермайди, корпусни тепасига чиқиб турувчи модул эса янада кўпроқ танқидга учраши муқаррар.

ЎҚИНГ: Бунақаси бўлмаган: Android P иккита «кемтик»ли келажак смартфонларини кўрсатди