Xiaomi ҳамёнбоп Mi 4S смарфтонини тақдим этди
Хитойнинг Xiaomi компанияси Mi 5 флагмани билан бир қаторда, Mi 4S смартфонини ҳам намойиш қилди. Янги смартфон 2014 йилда ишлаб чиқарилган қурилманинг яхшиланган талқини ҳисобланади.
Смартфон янги дизайн, 5 дюймлик Full HD дисплей билан таъминланди. Бундан ташқари, унга 64-битлик Qualcomm Snapdragon 808 процессори ўрнатилган. Шунингдек, у 3 ГБ тезкор ва 64 ГБ доимий хотирага ҳам эга.
Асосий камера 13 мегапикселли бўлса, олд камера – 5 мегапиксел. Аккумулятор сиғими 3260 мАсни ташкил қилади. Телефоннинг орқа қисмида бармоқлар сканери мавжуд. Янги гаджет тўрт хил рангда савдога чиқарилади: оқ, пушти, қора ва тилла ранг.
Қурилма савдоси Хитойда 1 мартдан 260 доллардан бошланади.