Xiaomi икки камерали смартфон устида ишламоқда

Xiaomi икки камерали смартфон устида ишламоқда

Xiaomi мухлислари гигант смартфонлар сафи учун янги ном топиш билан машғул бўлиб турган бир вақтда тармоқда Хитой компаниясининг MediaTek Helio X20 (6797M) процессорлари билан ишлайдиган икки ускуна устида иш олиб бораётгани ҳақидаги маълумотлар тарқалди. Янги қурилмалардан бири иккита камера модули билан таъминланади. Ахборот манбасининг сўзларига кўра, мазкур маълумот 20 фоиз акциялари Xiaomi`га тегишли бўлган Longcheer компаниясидан олинган.

Хабарларга кўра, смартфонларга 5,5 дюймли дисплей ўрнатилади. Экран сиғими ҳозирча номаълум. Эҳтимол Redmi Note 4 ва Redmi Note 4 Pro ёки буткул бошқа модел ҳақида гап кетаётган бўлиши мумкин. Қурилмаларнинг қачон намойиш этилиши ошкор этилганича йўқ.

Шу ўринда, Xiaomi кейинги авлод тақиб юриладиган гаджетлар тақдимотига тайёргарлик кўрмоқда. Янгиланган қурилмалар сафи компаниянинг “ақлли” соатларини ҳам ўз ичига олади.