Xiaomi иккинчи чоракда кутилганидан кўп даромад ва фойда қилди

Xiaomi иккинчи чоракда кутилганидан кўп даромад ва фойда қилди

Xiaomi компанияси 2021 йилнинг иккинчи чораги учун молиявий натижаларни эълон қилди. Ишлаб чиқарувчи берган маълумотларга кўра, даромад ва фойда прогнозлардан юқори бўлган.

ЎҚИНГ: Xiaomi янгиланган Mi 11 Lite'ларни тайёрламоқда, улардан бири экраности камерасига эга

Чораклик даромад тахминан 87,78 миллиард юанни (тахминан 14 млрд АҚШ доллари) ташкил этган, бу ўтган йилнинг мос даврига нисбатан 64% га кўпдир. Ялпи фойда эса тахминан 15,14 миллиард юанга (тахминан 2,3 млрд АҚШ доллари) тенг, бу ўтган йилнинг биринчи чорагига нисбатан 96,7 фоизга кўп демакдир. Соф фойда эса тахминан 6,3 миллиард юань (тахминан 973 млн доллар) бўлиб, бу кўрсаткич ўтган йилгига қараганда 87,4 фоизга кўпроқ.

2021 йилнинг биринчи ярмидаги молиявий натижаларга тўхталсак бўлсак, даромад тахминан 164,67 миллиард юанни (тахминан 25 млрд АҚШ доллари) ташкил этган, бу 2020 йилнинг шу даврига нисбатан 59,5 фоизга кўп. Ялпи фойда 29,3 миллиард юанга (тахминан 4,5 млрд АҚШ доллари) яқин бўлиб, ўсиш кўрсаткичи 92,1 фоиз. Ниҳоят, мослаштирилган соф даромад тахминан 12,39 миллиард юанни (тахминан 2 млрд АҚШ доллари) ташкил этмоқда. Бу кўрсаткич ўтган ярим йилга нисбатан 118,4 фоизга кўпроқдир.

ЎҚИНГ: Xiaomi смартфонлари нархлари билан танишамиз (2021 йил, август)