Xiaomi камераси нақ 144 МПлик иккита смартфон тайёрлаяпти!
Ўтган йили «Хитойча Apple» бош камерасининг асосий датчиги 108 мегапикселлик бўлган илк смартфон – Xiaomi Mi CC9 Pro флагманини намойиш қилган эди. Кейинчалик уни халқаро бозорга Mi Note 10 смартфони сифатида тақдим этган.
ЎҚИНГ: Samsung компанияси 108 МПлик камера борасида Xiaomi’ни боплаган экан!
Ҳиндистонлик таниқли инсайдер Судҳаншу Амбҳоре (Sudhanshu Ambhore) маълум қилишича, Xiaomi бу борада янги рекордга тайёргарлик кўрмоқда. Яъни, унинг навбатдаги камерофони нақ 144 мегапикселлик камерага эга бўлади!
Xiaomi is working on a phone with 144MP camera sensor.
— Sudhanshu A. (@Sudhanshu1414) April 2, 2020
I guess it should be Mi 10S Pro or Mi CC10 Pro
Тармоқ информаторининг фикрича, бундай кучли датчикли бош камерага эга биринчи смартфон – шу йил кузда чиқиши кутилаётган Xiaomi Mi CC10 Pro бўлиши керак. Бундан ташқари, компаниянинг Snapdragon 865+ процессорли илк флагмани – Xiaomi Mi 10S Pro ҳам айни шундай сенсорли камерага эга бўлади. Унинг намойиши ҳам кузга мўлжалланган бўлиб, шу иккаласидан қай бири биринчи чиқишини энди вақт кўрсатади.
ЎҚИНГ: 256 МПлик камерали илк смартфонни ким тайёрлаганини биласизми?
